Saturday, 22 July 2017 2.17 AM IST
ഇതരഭാഷാചിത്രങ്ങളുടെ നികുതി വർദ്ധിപ്പിക്കുക
December 31, 2016, 12:25 am
മാതൃഭാഷയോട് യാതൊരു കൂറുമില്ലാത്ത ഒരു വിഭാഗമാണ് കേരളത്തിലെ തിയേറ്റർ ഉടമകൾ.മലയാളത്തിലെ പ്രതീക്ഷ പകരുന്ന ചിത്രങ്ങൾ റിലീസ് ചെയ്യുന്ന സമയം നോക്കി അവർ സമരം ചെയ്യും.മലയാളചിത്രങ്ങൾക്കു മുൻപിൽ അവരുടെ വാതിലുകൾ അടഞ്ഞു കിടക്കും.തമിഴിലെയോ ഹിന്ദിയിലെയോ സൂപ്പർ താരത്തിന്റെ ചിത്രം വരുന്നുവെന്ന് കേട്ടാൽ കൊട്ടും കുരവയുമായി വാതിലുകൾ തുറന്നിടും.ഇവരുടെ ധാർഷ്ട്യത്തിനും മാതൃഭാഷാവഹേളനത്തിനും തിരിച്ചടി കൊടുക്കാൻ സർക്കാരിന് കഴിയും.നമ്മുടെ ചില അയൽസംസ്ഥാനങ്ങളിൽ ഇതരഭാഷാചിത്രങ്ങൾക്ക് അധികനികുതി ഏർപ്പെടുത്തിയിട്ടുണ്ട്.നാം വിശാലമനസ്കരായതുകൊണ്ടു ഇതുവരെ അങ്ങനെ ചെയ്തിട്ടില്ല.എത്രയും പെട്ടെന്ന് ഇതരഭാഷാചിത്രങ്ങൾക്ക് കൂടുതൽ നികുതി ഏർപ്പെടുത്തണം.ഇതുവഴി സർക്കാരിന് ലഭിക്കുന്ന അധികവരുമാനം മലയാള സിനിമയുടെ പുരോഗതിക്കായോ ചലച്ചിത്ര ക്ഷേമനിധിക്ക് വേണ്ടിയോ ഉപയോഗിക്കാം.മലയാള സിനിമ പ്രദര്ശിപ്പിക്കില്ലെന്നു വാശി പിടിക്കുന്ന തിയേറ്ററുകളുടെ ലൈസൻസ് റദ്ദാക്കുകയും ആ തിയേറ്ററുകൾ സർക്കാർ പിടിച്ചെടുത്തു കെ.എസ് .എഫ്.ഡി.സി.യെ ഏല്പിക്കുകയും ചെയ്യണം.ഇത്തരം അടിയന്തിരനടപടികൾ സ്വീകരിക്കാതെ ചെകുത്താനോട് വേദമോതിക്കൊണ്ടിരുന്നിട്ടു കാര്യമില്ല.

-വിജയകൃഷ്ണൻ
ചലച്ചിത്രസംവിധായകൻ
തിരുവനന്തപുരം
 PRINT THIS PAGE
യു ട്യൂബിൽ അപ്‌ലോഡ്‌ ചെയ്യുന്ന വീഡിയോസ് നിങ്ങളുടെ മെയിലിൽ ലഭിക്കുവാൻ കൗമുദി ടിവി ഒഫിഷ്യൽ യു ട്യുബ് ചാനൽ സബ്സ്ക്രൈബ് ചെയ്യുക.
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
കൂടുതൽ വാർത്തകൾ