Bookmark Keralakaumudi Online    

KERALAKAUMUDI   Online Edition

 

 

    Founder Editor - K. SUKUMARAN B.A.

 

Keralakaumudi Online Edition Home

About US  |  Editor@Kaumudi  |  Marketing  |  Download Font  |  Print Ad.Rates  |  Calendar 2015  

 
 
Saturday, 22 July 2017 2.13 AM IST
 MORE
Go!

  <
 


 
H dQ ami  


കനിമൊഴിയോട് കനിവില്ല

Posted on: Wednesday, 04 November 2015

ഹർജി സുപ്രീം കോടതി തള്ളി കുറ്റം ചുമത്തിയത് റദ്ദാക്കാനാവില്ല ന്യൂഡൽഹി: ടുജി സ്‌പെക്‌ട്രം അഴിമതി കേസിൽ തനിക്കെതിരെ കുറ്റം ചുമത്തിയത് റദ്ദാക്കണമെന്ന് ആവശ്യപ്പെട്ട് ഡി.എം.കെ നേതാവും രാജ്യസഭാംഗവുമായ കനിമൊഴി സമർപ്പിച്ച ഹർജി സുപ്രീം കോടതി തള്ളി. ഹർജി ഫയലിൽ സ്വീകരിച്ച് രണ്ടര വർഷത്തിന് ശേഷമാണ് ചീഫ് ജസ്റ്റിസ് എച്ച്.എൽ. ദത്തു അദ്ധ്യക്ഷനായ മൂന്നംഗ ബെഞ്ച് തള്ളുന്നത്. സ്‌പെക്ട്രം കേസിന്റെ വിചാരണ പ്രത്യേക സി.ബി.ഐ കോടതിയിൽ അന്തിമഘട്ടത്തിലാണെന്നും തെളിവുകൾ പൂർണമമാണെന്നും പ്രത്യേക പബ്ളിക് പ്രോസിക്യൂട്ടർ ആനന്ദ് ഗ്രോവർ അറിയിച്ചു. അത് കണക്കിലെടുത്ത കോടതി, വിചാരണ അന്തിമ ഘട്ടത്തിലിരിക്കുമ്പോൾ ഹർജി പരിഗണിക്കാനാവില്ലെന്നും കുറ്റം ചുമത്തൽ റദ്ദാക്കണമെന്ന ആവശ്യത്തിന് പ്രസക്തിയില്ലെന്നും പറഞ്ഞു. ചുമത്തിയ കുറ്റങ്ങളുടെ അടിസ്ഥാനത്തിൽ കനിമൊഴി കുറ്റക്കാരിയാണോ എന്ന് വിചാരണക്കോടതി തീരുമാനിക്കുമെന്നും കോടതി പറ‌ഞ്ഞു. അതേസമയം, ഹർജിയിൽ രണ്ടര വർഷം തീരുമാനമെടുക്കാതിരുന്നത് തന്റെ കക്ഷിയുടെ കുറ്റമല്ലെന്നും കനിമൊഴെിക്കെതിരെ സംശയത്തിന്റെ കണിക പോലുമില്ലെന്നും അവരുടെ അഭിഭാഷകൻ അമരേന്ദ്ര ശരൺ പറഞ്ഞു. അതിനിടെ, ടു ജി കേസിൽ കുറ്റം ചുമത്തിയത് റദ്ദാക്കണമെന്ന് ആവശ്യപ്പെട്ട് ഷാഹിദ് ബൽവ സമർപ്പിച്ച ഹർജിയും കോടതി തള്ളി. എന്നാൽ കേസിൽ സുപ്രീം കോടതി 2011ലും 2012ലും പുറപ്പെടുവിച്ച ഉത്തരവുകൾ ബെഞ്ച് പരിഷ്‌കരിച്ചു. പ്രത്യേക കോടതിയുടെ അന്തിമ വിധിക്കെതിരെ ഹൈക്കോടതിയെ സമീപിക്കാമെന്നാണ് പുതിയ ഉത്തരവ്. അന്തിമ വിധിക്കെതിരെ മാത്രമേ ഹൈക്കോടതിയെ സമീപിക്കാനാകൂ. ഇടക്കാല ഉത്തരവുകൾക്കെതിരെ ഹൈക്കോടതിയെ സമീപിക്കാനാകില്ല. ഈ സാഹചര്യത്തിൽ ടുജി കേസിൽ കനിമൊഴി കുറ്റക്കാരിയാണെന്ന് പ്രത്യേക കോടതി വിധിച്ചാൽ അതിനെതിരെ ഹൈക്കോടതിയെ സമീപിക്കാനാകും. നേരത്തേ പ്രത്യേക കോടതി വിധിക്കെതിരെ സുപ്രീം കോടതിയെ മാത്രമേ സമീപിക്കാനാകുമായിരുന്നുള്ളൂ. കനിമൊഴിക്ക് പുറമേ മുൻ കേന്ദ്രമന്ത്രി എ.രാജ, ഡി.എം.കെ നേതവ് എം.കരുണാനിധിയുടെ ഭാര്യ ദയാലു അമ്മാൾ, ഡി.ബി ഗ്രൂപ്പിന്റെ ഉടമസ്ഥതയിലുള്ള സ്വാൻ ടെലികോം കമ്പനിയുടെ പ്രൊമോട്ടർമാരായ ഷാഹിദ് ഉസ്മാൻ ബൽവ, വിനോദ് ഗോയങ്ക, കുസീഗോൺ ഫ്രൂട്ട്സ് ആൻഡ് വെജിറ്റബിൾസിന്റെ ഡയറക്‌ടർമാരായ ആസിഫ് ബൽവ, രാജീവ് അഗർവാൾ, കലൈഞ്ജർ ടിവി. എം.ഡി ശരദ് കുമാർ, ബോളിവുഡ് നിർമ്മാതാവ് കരും മൊറാണി, പി.അമൃതം എന്നിവരും ഒൻപത് കമ്പനികളും പ്രതികളാണ്. ഡി.ബി ഗ്രൂപ്പിന് ടുജി ലൈസൻസ് ലഭിക്കാൻ വിവിധ കമ്പനികളുടെ പേരിൽ കലൈഞ്ജർ ടി.വിക്ക് 200 കോടി രൂപ കോഴ നൽകിയെന്നാണ് എൻഫോഴ്സ്‌മെന്റ് ഡയറക്ടറേറ്റ് കണ്ടെത്തിയത്. കൂസിഗോൺ ഫ്രൂട്ട്സ് ആൻഡ് വെജിറ്റബിൾസ് പ്രൈവറ്റ് ലിമിറ്റഡ്, സിനിയുഗം ഫിലിംസ് പ്രൈവറ്റ് ലിമിറ്റഡ് എന്നീ കമ്പനികൾ വഴിയാണ് ഇടപാടുകൾ നടത്തിയത്. കലൈഞ്ജർ ടി.വിയിൽ കനിമൊഴിക്കും എം.ഡിയായ ശരദ് കുമാറിനും ഇരുപത് ശതമാനം വീതം ഓഹരിയാണുള്ളത്. ബാക്കിയുള്ള 60 ശതമാനം ഓഹരി ദയാലു അമ്മാളുവിന്റെ പേരിലാണ്. ഇന്ത്യൻ ശിക്ഷാ നിയമത്തിലെ 120 ബി (ക്രിമിനൽ ഗൂഢാലോചന), കള്ളപ്പണം വെളുപ്പിക്കൽ നിയമത്തിലെ വകുപ്പുകൾ എന്നിവയാണ് ഇവർക്കെതിരെ ചുമത്തിയിട്ടുള്ളത്.

Error connecting to mysql