Bookmark Keralakaumudi Online    

KERALAKAUMUDI   Online Edition

 

 

    Founder Editor - K. SUKUMARAN B.A.

 

Keralakaumudi Online Edition Home

About US  |  Editor@Kaumudi  |  Marketing  |  Download Font  |  Print Ad.Rates  |  Calendar 2015  

 
 
Monday, 24 April 2017 20.38 PM IST
 MORE
Go!

  <
 


 
H dQ dOJ  


കൊതിയൂറും മീൻകറികൾ
Posted on: Sunday, 03 March 2013

നാടൻ മത്തിക്കറി

മത്തി (കഷണങ്ങളാക്കിയത്)- അരക്കിലോ
പച്ചമാങ്ങ- ഒന്ന്
പച്ചമുളക്- അഞ്ചെണ്ണം
ഇഞ്ചി- ഒരു കഷണം
ചുവന്നുള്ളി- എട്ടെണ്ണം
മുളക്പൊടി- ഒരു ടേബിൾ സ്‌പൂൺ
മഞ്ഞൾപ്പൊടി- അര ടീസ്‌പൂൺ
ഉപ്പ്- പാകത്തിന്
തേങ്ങ- ഒരുമുറി
ജീരകം- ഒരു നുള്ള്

തയ്യാറാക്കുന്ന വിധം: പച്ചമാങ്ങ തൊലികളഞ്ഞു കഷണങ്ങളാക്കിയതും പച്ചമുളക്, ഇഞ്ചി, ചുവന്നുള്ളി എന്നിവ അരിഞ്ഞതും മുളക്‌പൊടി, മഞ്ഞൾപ്പൊടി, പാകത്തിനുപ്പ്, വെള്ളം എന്നിവയും ചേർത്ത് ഒരു ചട്ടിയിലാക്കി തിളപ്പിക്കുക. മാങ്ങ വെന്തശേഷം ഇതിലേക്ക് മത്തികഷണങ്ങളിടാം. കറി നന്നായി തിളപ്പിക്കുക. മീൻ വെന്തു കഴിഞ്ഞാൽ തേങ്ങ ചുരണ്ടിയതും ജീരകവും ചുവന്നുള്ളിയും അരച്ച് കറിയിലേക്ക് ചേർക്കാം. ചൂടാകുന്പോൾ വാങ്ങി ഉപയോഗിക്കാം.

പൊടിമീൻ പീരവറ്റിച്ചത്

പൊടിമീൻ- അരക്കിലോ
ഇരുന്പൻ പുളി( നാലായി കീറിയത്)- അരക്കപ്പ്
പച്ചമുളക്- എട്ടെണ്ണം
ഇഞ്ചി- ഒരുകഷണം
ചുവന്നുള്ളി- പന്ത്രണ്ടെണ്ണം
കറിവേപ്പില- രണ്ട് തണ്ട്
തേങ്ങ- അരമുറി
മഞ്ഞൾപ്പൊടി- ഒരു നുള്ള്
ഉപ്പ്- പാകത്തിന്
വെളിച്ചെണ്ണ- ഒരു സ്‌പൂൺ

തയ്യാറാക്കുന്ന വിധം: ഒരു മൺചട്ടിയിൽ ഇരുന്പൻപുളി, പച്ചമുളക്, ഇഞ്ചി, ചുവന്നുള്ളി എന്നിവ അരിഞ്ഞതും ഒരു തണ്ട് കറിവേപ്പില, തേങ്ങ ചുരണ്ടിയത്, മഞ്ഞൾപ്പൊടി, ഉപ്പ് എന്നിവയും ചേർത്തിളക്കി അൽപം വെള്ളം കുടഞ്ഞ് നന്നായി യോജിപ്പിക്കുക. ഇതിലേക്ക് വൃത്തിയാക്കിയ മീൻ ചേർത്തിളക്കി മൂടി വച്ചു വേവിക്കുക. മീൻ വെന്തശേഷം വെളിച്ചെണ്ണയൊഴിച്ച് ഇളക്കി വാങ്ങുക.

അയലക്കറി

അയല(കഷണങ്ങളാക്കിയത്)- രണ്ടെണ്ണം
തക്കാളി- രണ്ടെണ്ണം
വെളിച്ചെണ്ണ- ഒരു സ്‌പൂൺ
ചുവന്നുള്ളി- അഞ്ചെണ്ണം
പച്ചമുളക്- രണ്ടെണ്ണം
ഇഞ്ചി- ഒരു കഷണം
കറിവേപ്പില- രണ്ട് തണ്ട്
മുളകുപൊടി- രണ്ടുസ്‌പൂൺ
മഞ്ഞൾപ്പൊടി- അരടീസ്‌പൂൺ
കുടംപുളി- ഒരു കഷണം

തയ്യാറാക്കുന്ന വിധം: ഒരു മൺചട്ടിയിൽ വെളിച്ചെണ്ണ ചൂടാക്കി ചുവന്നുള്ളി, പച്ചമുളക്, ഇഞ്ചി എന്നിവ ചെറുതായി അരിഞ്ഞതും കറിവേപ്പിലയും ചേർത്ത് വഴറ്റുക. ഇതിൽ മഞ്ഞൾപ്പൊടിയും മുളകുപൊടിയും ചേർത്ത് ചൂടാക്കണം. കുടംപുളിയും ചേർക്കുക. തക്കാളി വേവിച്ച് തൊലികളഞ്ഞ് അരച്ചെടുത്ത് ഇതിലേക്ക് ചേർത്ത് ചൂടാക്കാം. ഗ്രേവിക്ക് ആവശ്യമായ വെള്ളവും ഉപ്പും ചേർത്തിളക്കുക. അയലക്കഷണങ്ങൾ ചേർത്ത് അടച്ചുവച്ച് വേവിക്കുക.

മീൻ-മാങ്ങാക്കറി

മീൻ(കഷണങ്ങളാക്കിയത്)- അരക്കിലോ
പച്ചമാങ്ങ (നീളത്തിൽ അരിഞ്ഞത്) - ഒന്ന്
ചുവന്നുള്ളി- 15 എണ്ണം
വെളുത്തുള്ളി-10 അല്ലി
വെളിച്ചെണ്ണ- ഒരു സ്‌പൂൺ
ഇഞ്ചി- ഒരു കഷണം
പച്ചമുളക്- അഞ്ചെണ്ണം
മുളകുപൊടി- ഒരു ടേബിൾ സ്‌പൂൺ
മല്ലിപ്പൊടി- രണ്ട് ടേബിൾ സ്‌പൂൺ
മഞ്ഞൾപ്പൊടി- ഒരു ടീ‌സ്‌പൂൺ
തേങ്ങാപ്പാൽ- ഒരു മുറി തേങ്ങയുടെ പാൽ

തയ്യാറാക്കുന്ന വിധം: വെളിച്ചെണ്ണ ചൂടാക്കി കറിവേപ്പില മൂപ്പിക്കുക. ഇതിലേക്ക് ചുവന്നുള്ളിയും വെളുത്തുള്ളിയും നീളത്തിൽ അരിഞ്ഞത് ചേർത്ത് വഴറ്റുക. ഇതിലേക്ക് ഇഞ്ചി അരിഞ്ഞതും പച്ചമുളക് അരിഞ്ഞതും ചേർത്ത് മൂപ്പിക്കുക. മുളകുപൊടി, മല്ലിപ്പൊടി, മഞ്ഞൾപ്പൊടി എന്നിവ ചേർത്ത് ചൂടാക്കുക. തേങ്ങയുടെ രണ്ടാം പാലും ഉപ്പും ചേർത്ത് തിളപ്പിക്കുക. മാങ്ങാ അരിഞ്ഞതും മീൻ കഷണങ്ങളും ചേർക്കുക. മീൻ വെന്ത് ചാറ് കുറുകുന്പോൾ ഒന്നാം പാൽ ചേർത്തിളക്കി ചൂടാകുന്പോൾ കറിവേപ്പിലയും ചേർത്ത് വാങ്ങാം.


Error connecting to mysql