Bookmark Keralakaumudi Online    

KERALAKAUMUDI   Online Edition

 

 

    Founder Editor - K. SUKUMARAN B.A.

 

Keralakaumudi Online Edition Home

About US  |  Editor@Kaumudi  |  Marketing  |  Download Font  |  Print Ad.Rates  |  Calendar 2015  

 
 
Monday, 11 December 2017 13.12 PM IST
 MORE
Go!

  <
 


 
H dQ Jjq  


രണ്ടാം ഘട്ടത്തിലും ആവേശം വിതറി കൊട്ടിക്കലാശം, നാളെ വോട്ടെടുപ്പ്
Posted on: Wednesday, 04 November 2015

തിരുവനന്തപുരം: തദ്ദേശ തിരഞ്ഞെടുപ്പിന്റെ രണ്ടാംഘട്ട വോട്ടെടുപ്പിനുള്ള പരസ്യ പ്രചാരണത്തിന് ഇന്നലെ ശബ്ദഘോഷത്തോടെ സമാപനമായി. നാളെ വോട്ടെടുപ്പ്. രണ്ടു ഘട്ടത്തിലെയും വോട്ടെണ്ണൽ ഒന്നിച്ച് 7 ന് ശനിയാഴ്ച നടക്കും. പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം ജില്ലകളിലായി 1,40,08,026 വോട്ടർമാരാണ് നാളെ സമ്മതിദാനാവകാശം വിനിയോഗിക്കുക. ഇടത്, വലത്, ബി.ജെ.പി മുന്നണികൾ വാശിയോടെ രംഗത്ത് നിൽക്കുന്ന വോട്ടെടുപ്പിൽ രണ്ടാംഘട്ടത്തിലും കനത്ത പോളിംഗാണ് പ്രതീക്ഷിക്കുന്നത്. ആദ്യഘട്ടത്തിൽ 77.83ശതമാനം പേരാണ് സമ്മതിദാനാവകാശം വിനിയോഗിച്ചത്. ഏഴു ജില്ലകളിലും പരസ്യപ്രചാരണത്തിന്റെ കൊട്ടിക്കലാശം ആവേശത്തിന്റെ കൊടുമുടി കയറിയെങ്കിലും എങ്ങും സംഘർഷമുണ്ടായില്ല. കോൺഗ്രസ് ലീഗ് പോര് രൂക്ഷമായ മലപ്പുറത്ത് പല പഞ്ചായത്തുകളിലും കൊട്ടിക്കലാശം പൊലീസ് നിരോധിച്ചിരുന്നു. കേന്ദ്രീകൃത കൊട്ടിക്കലാശം അനുവദിച്ചതുമില്ല. റാലികൾ ടൗണുകളിലേക്ക് കടക്കാതിരിക്കാൻ കനത്ത സുരക്ഷ ഒരുക്കിയിരുന്നു. എന്നാൽ മലപ്പുറം നഗരത്തിലടക്കം ചിലയിടത്ത് ഇത് ലംഘിക്കപ്പെട്ടു. ജില്ലയിൽ 335 പ്രശ്‌നബാധിത ബൂത്തുകളാണുള്ളത്. മാവോയിസ്റ്റ് ഭീഷണിയുള്ള നിലമ്പൂർ ഉൾപ്പെടെയുള്ള മേഖലകളിലും തിരൂർ, താനൂർ തീരദേശ പ്രദേശങ്ങളിലുമാണ് കൂടുതൽ പ്രശ്‌നബാധിത ബൂത്തുകളുള്ളത്. വാശിയേറിയ സൗഹ്യദ മത്സരം നടക്കുന്ന അരീക്കോട്, മഞ്ചേരി, വാഴക്കാട്, വേങ്ങര, തിരൂരങ്ങാടി, കോട്ടയ്ക്കൽ, കൽപ്പകഞ്ചേരി, പരപ്പനങ്ങാടി, പൊന്നാനി, ചങ്ങരംകുളം, പെരുമ്പടപ്പ് തുടങ്ങിയ മേഖലകളെയും പ്രശ്‌നബാധിത പ്രദേശങ്ങളായാണ് കണക്കാക്കുന്നത്. തൃശൂരിൽ വിവിധ കേന്ദ്രങ്ങളിലും കോർപറേഷൻ ഓഫീസിനു മുന്നിലുമായിരുന്നു കൊട്ടിക്കലാശം. പൊതുവേ സമാധാനപരമായിരുന്നു. പീലിക്കാവടിയും നാസിക് ഡോളും മറ്റും ബി.ജെ.പിയുടെ കൊട്ടിക്കലാശത്തെ വർണാഭമാക്കി. പാലക്കാട് ജില്ലയിൽ കൊട്ടിക്കലാശത്തിന് തുലാമഴ അകമ്പടി നിന്നു. യു.ഡി.എഫും എൽ.ഡി.എഫും ബി.ജെ.പിയും തമ്മിൽ ശക്തമായ ത്രികോണ മത്സരമുള്ള പാലക്കാട് നഗരസഭയിലാണ് കൊട്ടിക്കലാശം ഏറെ ആവേശത്തിലെത്തിയത്. കൊട്ടിക്കലാശം നഗരത്തെ മണിക്കൂറുകളോളം ഗതാഗതക്കുരുക്കിലാക്കി. പത്തനംതിട്ട, കോട്ടയം ജില്ലകളിലും കലാശക്കൊട്ട് ആവേശകരമായിരുന്നു. കോട്ടയത്തും, പുതുപ്പള്ളിയിലും മുഖ്യമന്ത്രി ഉമ്മൻചാണ്ടി ഇന്നലെ പ്രചാരണത്തിനെത്തിയിരുന്നു. രണ്ടാം ഘട്ടത്തിൽ ഏഴു ജില്ലകളിലെ തദ്ദേശ സ്വയംഭരണ സ്ഥാപനങ്ങളിലെ 12651 വാർഡുകളിലായി 44,388 സ്ഥാനാർത്ഥികൾ ജനവിധി തേടുന്നു. ഒന്നാംഘട്ടത്തിൽ ഏഴ് ജില്ലകളിലെ 9220 വാർഡുകളിലേക്ക് 31161 സ്ഥാനാർത്ഥികളാണുണ്ടായിരുന്നത്. രണ്ടാംഘട്ട വോട്ടെടുപ്പിൽ കൊച്ചി, തൃശൂർ കോർപറേഷനുകളിലായി യഥാക്രമം 403 ഉം 245 ഉം സ്ഥാനാർത്ഥികൾ മത്സരിക്കുന്നു. പുതുതായി രൂപീകരിച്ച 14 മുനിസിപ്പാലിറ്റികൾ ഉൾപ്പെടെ 55 മുനസിപ്പാലിറ്റികളിലായി 1965 വാർഡുകളാണ് രണ്ടാംഘട്ടത്തിലുള്ളത്. ഏറ്റവും കൂടുതൽ മുനിസിപ്പാലിറ്റികളും വാർഡുകളും മലപ്പുറം ജില്ലയിലാണ്.12 മുനിസിപ്പാലിറ്റികളിലായി 479 വാർഡുകൾ. ഏറ്റവും കുറവ് പത്തനംതിട്ടയിൽ. നാല് മുനിസിപ്പാലിറ്റികളിലായി 132 വാർഡുകൾ. പുതുതായി രൂപീകരിച്ച പന്തളം, ഹരിപ്പാട്, ഏറ്റുമാനൂർ, ഈരാറ്റുപേട്ട, പിറവം, കൂത്താട്ടുകുളം, വടക്കാഞ്ചേരി, പട്ടാമ്പി, ചെർപ്പളശ്ശേരി, മണ്ണാർക്കാട്, താനൂർ, പരപ്പനങ്ങാടി, വടക്കാഞ്ചേരി, തിരൂരങ്ങാടി എന്നീ മുനിസിപ്പാലിറ്റികളിലായി 469 വാർഡുകളുണ്ട്.

Error connecting to mysql