ബൈക്ക് യാത്രക്കാർ കെ.എസ്.ആർ.ടി.സി ബസിന്റെ ഗ്ലാസ് തകർത്തു

ആലുവ: സൈഡ് നൽകിയില്ലെന്നാരോപിച്ച് ബൈക്ക് യാത്രക്കാർ കെ.എസ്.ആർ.ടി.സി ബസിന്റെ ഗ്ലാസ് തകർത്തു. ഇന്നലെ രാത്രി ദേശീയപാതയിൽ ആലുവ ബൈപ്പാസിലായിരുന്നു സംഭവം. അങ്കമാലി ഡിപ്പോയിലെ സ്വിഫ്റ്റ്‌ ബസിന്റെ ഡ്രൈവറുടെ സീറ്റിന്റെ ഭാഗത്തുള്ള സൈഡ് ഗ്ലാസാണ് കൈ കൊണ്ട് അടിച്ചുതകർത്തത്. ബൈക്കിൽ രണ്ടു പേരുണ്ടായിരുന്നു. ഗ്ലാസ് തകർത്തയാളുടെ കൈ മുറിഞ്ഞിട്ടുണ്ട്. ബൈക്ക് യാത്രക്കാർക്കായി ആലുവ പൊലീസ് അന്വേഷണം ആരംഭിച്ചു.