ഓർമപ്പെരുന്നാൾ

ചെങ്ങന്നൂർ: പിരളശേരി സെന്റ് ജോർജ് ഓർത്തഡോക്സ് കാതോലിക്കേറ്റ് സിംഹാസനപ്പള്ളിയിൽ ഗീവർഗീസ് സഹദായുടെ ഓർമപ്പെരുന്നാൾ ഇന്ന് കൊടിയേറും. രാവിലെ ഏബ്രഹാം മാർ എപ്പിഫാനിയോസിന്റെ കാർമികത്വത്തിൽ മൂന്നിന്മേൽ കുർബാനയ്ക്കുശേഷം കൊടിയേറ്റ് നടക്കും.

4, 5 തീയതികളിൽ വൈകിട്ട് വാഹന പ്രദക്ഷിണങ്ങൾ ഉണ്ടായിരിക്കും. 6ന് ഫാ.ഡോ.നൈനാൻ വി. ജോർജ് വചനപ്രഘോഷണം നടത്തും. 7ന് വൈകിട്ട് ഡോ. ബിജു തോമസ് പ്രബോധന ക്ലാസ് നയിക്കും. 8ന് രാത്രി പെരുന്നാൾ പ്രദക്ഷിണം. 9ന് രാവിലെ 8 മണിക്ക് ഡോ.യൂഹാനോൻ മാർ ദിയസ്കോറോസ് കുർബാന അർപ്പിക്കും.