എസ്. ഷംനാദ് എറണാകുളം ചീഫ് ജുഡീഷ്യൽ മജിസ്ട്രേറ്റ്

തിരുവനന്തപുരം: ജില്ലാ ലീ​ഗൽ സർവ്വീസ് അതോറിറ്റി സെക്രട്ടറിയും സീനിയർ സിവിൽ ജഡ്‌ജുമായ എസ്. ഷംനാദ് എറണാകുളത്ത് ചീഫ് ജുഡീഷ്യൽ മജിസ്ട്രേറ്റായി നിയമിതനായി. 2023 മേയ് മുതൽ തലസ്ഥാനത്ത് ലീ​ഗൽ സർവ്വീസ് അതോറിറ്റി സെക്രട്ടറിയായിരുന്നു. സാധാരണക്കാർക്കും പാവപ്പെട്ടവർക്കും നിയമ സഹായം ലഭ്യമാക്കാൻ പ്രത്യേക അദാലത്തുകളും ക്യാമ്പെയിനുകളും സംഘടിപ്പിച്ചിരുന്നു. 2023- 24ൽ മികച്ച ജില്ലാ ലീ​ഗൽ സർവ്വീസ് അതോറിറ്റിക്കുള്ള രണ്ടാം സ്ഥാനവും, വിചാരണത്തടവുകാരുടെ റിവ്യൂ കമ്മിറ്റി കാമ്പയിനിംഗിൽ ഒന്നാം സ്ഥാനവും ലഭിച്ചിരുന്നു.