ചാത്തന്നൂർ മോഹൻ സാഹിത്യപുരസ്കാരം ആർ. ആതിരയ്ക്ക്

കൊല്ലം: കവിയും പത്രപ്രവർത്തകനുമായിരുന്ന ചാത്തന്നൂർ മോഹന്റെ സ്മരണയ്ക്കായി ചാത്തന്നൂർ മോഹൻ ഫൗണ്ടേഷൻ ഏർപ്പെടുത്തിയ 2026ലെ സാഹിത്യപുരസ്കാരം ആർ. ആതിര എഴുതിയ ‘മീനേ, മീൻമണമേ’ എന്ന കവിതാസമാഹാരത്തിന്. ആലങ്കോട് ലീലാകൃഷണൻ, പി.കെ. ഗോപി, ഡോ. ചേരാവള്ളി ശശി എന്നിവരടങ്ങിയ ജഡ്ജിംഗ് കമ്മിറ്റിയാണ് പുസ്തകം തി​രഞ്ഞെടുത്തത്. 25000 രൂപയും ശില്പവും പ്രശസ്തിപത്രവുമടങ്ങുന്ന പുരസ്കാരം ജൂൺ 15ന് കൊല്ലം പ്രസ് ക്ലബ്ബിൽ നടക്കുന്ന ചടങ്ങിൽ കവി മധുസൂദനൻ നായർ സമ്മാനിക്കും. കണ്ണൂർ ജില്ലയിലെ പെരിങ്ങാടി സ്വദേശിയായ ആതിര പയ്യന്നൂർ കുഞ്ഞിമംഗലം ഗവ. ഹയർ സെക്കൻഡറി സ്കൂൾ അദ്ധ്യാപികയാണ്.