വീട്ടുവരാന്തയിലും  മുറ്റത്തുമായി  പെരുമ്പാമ്പും  കുഞ്ഞുങ്ങളും; സംഭവം പത്തനംതിട്ടയിൽ

പത്തനംതിട്ട: വീട്ടുവരാന്തയിലും മുറ്റത്തും നിന്ന് പെരുമ്പാമ്പിനെയും കുഞ്ഞുങ്ങളെയും പിടികൂടി. കോന്നി ഇളകൊള്ളൂരിലെ നന്ദകുമാറിന്റെ വീട്ടിലാണ് സംഭവം. തുടർച്ചയായി മൂന്നാം ദിവസമാണ് ഈ വീട്ടിൽ പെരുമ്പാമ്പ് എത്തുന്നത്. രണ്ട് കുട്ടികളും വൃദ്ധയും താമസിക്കുന്ന വീടാണിത്. കഴിഞ്ഞദിവസവും വനപാലകർ ഇവിടെ നിന്ന് രണ്ട് പെരുമ്പാമ്പുകളെ പിടികൂടിയതായി നാട്ടുകാർ പറയുന്നു. പിന്നാലെയാണ് ഇന്ന് രാവിലെയും പെരുമ്പാമ്പിനെ കണ്ടത്. വീട്ടിന്റെ പരിസരത്ത് വനപാലകരെത്തി പരിശോധന നടത്തണമെന്നാണ് നാട്ടുകാരുടെ ആവശ്യം.