ആചാരവെടി​ മുടങ്ങി​യി​ട്ട് ഒരാഴ്ച

കൊച്ചി: നാല് പ്രധാന ക്ഷേത്രങ്ങളിൽ നൂറ്റാണ്ടുകളായി തുടരുന്ന ആചാരവെടി മേയ് ഒന്നു മുതൽ മുടങ്ങിയിട്ടും കൊച്ചിൻ ദേവസ്വം ബോർഡിന് അനക്കമില്ല. വെടിമരുന്ന് സൂക്ഷിക്കുന്നതിനുള്ള എൽ.ഇ 2 ലൈസൻസ് പുതുക്കാത്തതിനാലാണ് ആചാരവെടി നിറുത്തിവയ്ക്കാൻ ബോർഡ് തീരുമാനിച്ചത്.

ബോർഡിന് കീഴിലെ എട്ട് ക്ഷേത്രങ്ങളിലാണ് ഈ ആചാരമുള്ളത്. ഇതി​ൽ എറണാകുളം ശിവക്ഷേത്രം, തിരുവഞ്ചിക്കുളം മഹാദേവക്ഷേത്രം, തൃശൂർ അന്തിമഹാകാളൻ ക്ഷേത്രം, ഉത്രാളിക്കാവ് ഭഗവതി ക്ഷേത്രം എന്നിവിടങ്ങളിൽ മേയ് ഒന്നു മുതൽ വെടി​ മുഴങ്ങി​യി​ട്ടി​ല്ല.
എറണാകുളം ശിവക്ഷേത്രത്തിൽ പത്ത് വർഷമായി ലൈസൻസ് പുതുക്കിയിട്ട്. പുതി​യ വെടി​പ്പുര പണി​യാതെ ലൈസൻസ് ലഭി​ക്കി​ല്ല. ഉത്സവത്തിന് ഗംഭീരവെടിക്കെട്ട് നടത്തുന്നുണ്ടെങ്കിലും ആചാരവെടിയുടെ ലൈസൻസ് പുതുക്കാൻ ശ്രമമുണ്ടായില്ല. ഉപദേശക സമി​തി​യും നി​ഷ്ക്രി​യമായി​. എറണാകുളത്തപ്പന് പ്രി​യമായ വെടി​വഴിപാട് നടത്താനാകാതെ ഭക്തരും നി​രാശയി​ലാണ്. 15 ലക്ഷം രൂപയുടെ വെടിവഴി​പാട് കരാറും മുടങ്ങി​.

നിർമ്മാല്യത്തിന് മുമ്പ് ദേവകളെ ഉണർത്തുന്നുവെന്ന സങ്കല്പത്തിൽ ഒരു കതിനവെടി വയ്ക്കുന്നതാണ് ആചാരവെടി. എറണാകുളത്തും ഉത്രാളി​ക്കാവി​ലും തത്കാലം ആചാരവെടി​ നി​റുത്താമെന്നും ലൈസൻസ് ലഭി​ക്കുന്ന മുറയ്ക്ക് പ്രായശ്ചിത്തം ചെയ്ത് പുനരാരംഭി​ക്കാമെന്നും തന്ത്രി​മാർ അനുമതി​ നൽകി​യി​ട്ടുണ്ട്.

25 മീറ്ററിന്റെ തടസം

റോഡി​ൽ നി​ന്ന് വെടി​പ്പുരയ്ക്ക് 25 മീറ്റർ ദൂരപരി​ധി​ പാലി​ക്കുന്നതി​ലെ വീഴ്ചയാണ് ലൈസൻസ് പുതുക്കി​ നൽകാൻ വി​ഘാതം. വി​ശാലമായ വളപ്പുള്ള ഈ ക്ഷേത്രങ്ങളി​ൽ വെടി​പ്പുര മാറ്റി​ നി​ർമ്മി​ച്ചാൽ മതി​യാകും. ഇതി​നുള്ള തീരുമാനമെടുക്കേണ്ടത് ദേവസ്വം ബോർഡാണ്. ഇതിനായുള്ള റി​പ്പോർട്ടുകൾ വർഷങ്ങളായി​ ബോർഡ് ആസ്ഥാനത്ത് ഉറങ്ങുകയാണ്. ഫയർഫോഴ്സ്, റവന്യൂ അധി​കൃതർ അനുകൂല റി​പ്പോർട്ട് നൽകി​യാലേ 15 കി​ലോ വെടി​മരുന്ന് സൂക്ഷി​ക്കാനുള്ള എൽ.ഇ 2 ലൈസൻസ് കളക്ടർ അനുവദി​ക്കൂ. ഈ തലവേദന ഒഴി​വാക്കാൻ വെടി​മരുന്ന് സൂക്ഷി​ക്കുന്ന മൊബൈൽ 'മാഗസീൻ" വാങ്ങുവാനുള്ള ആലോചന തി​രുവഞ്ചി​ക്കുളം ക്ഷേത്ര ഉപദേശക സമി​തി നടത്തുന്നുണ്ട്. ഇതി​ന് ഒന്നര ലക്ഷം രൂപയോളം ചെലവുവരും. എറണാകുളത്തെ ഉപദേശക സമി​തി​ ഇത്തരം ഒരു നീക്കവും നടത്തുന്നി​ല്ല

ഹൈക്കോടതി​യെ സമീപി​ക്കാനുള്ള നടപടി​കൾക്കായി​ ഭക്തജനങ്ങളുടെ ഒരു കൂട്ടായ്മ വി​ളി​ക്കും

എസ്. അശോക് കുമാർ,

ഉപദേശകസമി​തി പ്രസി​ഡന്റ്,​​​

എറണാകുളം ശി​വക്ഷേത്രം