Shoot at Sight | Street Photography | Kerala Kaumudi | ഫോട്ടോഗ്രഫി

HOME / GALLERY / SHOOT @ SIGHT

സംസ്ഥാനത്ത് ഇന്ന് അർദ്ധരാത്രി മുതൽ ട്രോളിംഗ് നിരോധനം ആരംഭിക്കുകയാണ്. ഉപരിതല മത്സ്യബന്ധനം നടത്തുന്ന പരമ്പരാഗത വള്ളങ്ങൾക്കും ഇൻബോർഡ് ബോട്ടുകൾക്കും തടസമുണ്ടാകില്ല. തോട്ടപ്പള്ളി ഹാർബറിൽ കെട്ടിയിട്ടിരിക്കുന്ന മത്സ്യബന്ധന ബോട്ടുകൾക്ക് സമീപം വീശുവല എറിയുന്ന മത്സ്യത്തൊഴിലാളി

തനി നിറം കാട്ടി...നിമിഷ നേരം കൊണ്ട് നിറം മാറുന്ന ഓന്തിന്റെ ദൃശ്യം. കോട്ടയം ഈരയിൽക്കടവിൽ നിന്ന് പകർത്തിയത്

മാനത്തെ വെള്ളിത്തേര്... ഇടവം പാതി കഴിഞ്ഞിട്ടും കാലവർഷം ശക്തമായിട്ടില്ല. ഇടയ്ക്ക് പെയ്യുന്ന മഴ കഴിഞ്ഞ് തെളിഞ്ഞ വെൺമേഘം നിറഞ്ഞ നീലാകാശം.

കനത്ത മഴയെത്തുടർന്ന് കിഴക്കേക്കോട്ട ബസ് സ്റ്റാൻഡിലുണ്ടായ വെള്ളക്കെട്ടിലൂടെ കുട്ടികളുമായി ബസിൽ കയറാൻ ശ്രമിക്കുന്ന യാത്രക്കാരൻ

അവധിക്കാലം ആസ്വദിക്കാനായി പുതുവൈപ്പ് ബീച്ചിലെത്തിയവരുടെ തിരക്ക്.

കേരളനിയമസഭാ സ്‌പീക്കറായി സ്ഥാനമേറ്റശേഷം തിരുവഞ്ചൂർ രാധാകൃഷ്ണൻ കോട്ടയം ഡിസിസി ഓഫീസ് സന്ദർശിക്കാനായെത്തുന്നു

ആദ്ധ്യയനവർഷം ആരംഭിക്കാൻ ദിവസങ്ങൾ മാത്രം ബാക്കിനിൽക്കെ പത്തനംതിട്ട പാടം എസ്.കെ.വി.എൽ.പി.എസി ലെ അദ്ധ്യാപിക കുട്ടികൾക്ക് വിതരണം ചെയ്യാനുള്ള യൂണിഫോം ക്ളാസ് അടിസ്ഥാനത്തിൽ മാർക്ക് ചെയ്ത് വയ്ക്കുന്നു.

തെരുവ് യുദ്ധം...വഴിയോരത്തിരുന്ന് സഹചാരിയുടെ മുടി വെട്ടിയൊതുക്കുന്ന സ്ത്രീ. കാലങ്ങളായി തിരുനക്കരയിലും പരിസരപ്രദേശങ്ങളിലും തെരുവ് വീഥികൾ കിടപ്പാടമാക്കിയതാണിവർ. സുമനസുകളുടെ സഹായത്താൽ ജീവിതം മുന്നോട്ട് തള്ളിനീക്കുമ്പോഴും പരസ്പരം താങ്ങായി നിൽക്കുന്ന ഇത്തരക്കാർ നഗരത്തിൻ്റെ പല മുക്കിലും സ്ഥിരം കാഴ്ച.

സത്യപ്രതിജ്ഞ ചടങ്ങിൽ പങ്കെടുക്കാൻ പുതുപ്പള്ളി എം.എൽ.എ ചാണ്ടി ഉമ്മൻ സൈക്കിൾ ഓടിച്ചെത്തുന്നു. ജഗതിയിലെ പുതുപ്പള്ളി ഹൗസിൽ നിന്ന് നിയമസഭയിലേക്കും തിരിച്ചും ചാണ്ടി ഉമ്മൻ സൈക്കിളിലാണ് യാത്ര ചെയ്തത്.

തിരുവനന്തപുരം സെൻട്രൽ സ്റ്റേഡിയത്തിൽ വി.ഡി സതീശൻ മന്ത്രിസഭയുടെ സത്യപ്രതിജ്ഞാ ചടങ്ങിൽ വൈകിയെത്തിയ കെ.സുധാകരൻ എം.പി പ്രതിപക്ഷ നേതാവ് പിണറായി വിജയനെ വന്ദിക്കുന്നു.

കൊത്തിക്കൊത്തി... കൊയ്ത്ത് കഴിഞ്ഞ പാടത്ത് തീറ്റ തേടിയിരിക്കുന്ന കൊറ്റിയ കൊത്തിയോടിക്കുന്ന ചേരകൊക്ക്. കുമരകം റോഡിൽ ചെങ്ങളത്ത് നിന്നുള്ള കാഴ്ച.

നീറ്റ് അടി...നീറ്റ് പരീക്ഷ ചോദ്യപേപ്പർ ചോർച്ചയിൽ പ്രതിഷേധിച്ച് എസ്.എഫ്.ഐ ജില്ലാ കമ്മിറ്റിയുടെ നേതൃത്വത്തിൽ നടത്തിയ ഹെഡ് പോസ്റ്റോഫീസ് മാർച്ചിൽ മതിൽച്ചാടി കടക്കാൻ ശ്രമിച്ച പ്രവർത്തകന്റെ തലയിൽ ലാത്തി കൊണ്ടടിക്കുന്ന പൊലീസ്. അടിയുടെ ശക്തിയിൽ ലാത്തി വളഞ്ഞതും കാണാം

നല്ല നടപ്പല്ല...കോട്ടയം ഈരയിൽകടവ് ബൈപ്പാസ് റോഡിലെ നടപ്പാതയിൽ പ്രഭാത നടത്തത്തിനെത്തുന്നവർക്ക് ഭീഷണിയുയർത്തി നിൽക്കുന്ന തെരുവ് നായ്ക്കൾ.റോഡിന്റെ വശങ്ങളിൽ മാലിന്യം വലിച്ചെറിയുന്നത് നായ്ക്കളുടെ ശല്യം കൂടാൻ കാരണമാകുന്നു

ഇച്ചിരി പുളിക്കും... പുളിമരത്തിൽ കയറി പുളി കഴിക്കുന്ന അണ്ണാറക്കണ്ണൻ. കോട്ടയം നട്ടാശ്ശേരിയിൽ നിന്നുള്ള കാഴ്ച

വിജയ മധുരം... എസ്.എസ്.എൽ.സി പരീക്ഷയിൽ എല്ലാ വിഷയത്തിനും എ പ്ലസ് നേടിയ കോട്ടയം സെൻ്റ്. ആൻസ് സ്‌കൂളിലെ വിദ്യാർത്ഥിനികൾ പ്രിൻസിപ്പൽ സിസ്‌റ്റർ പ്രിയക്കൊപ്പം സന്തോഷം പങ്കിടുന്നു.

മുഖ്യമന്ത്രിയായി വിജയ് സത്യപ്രതിജ്ഞ ചെയ്തപ്പോൾ സന്തോഷിക്കുന്ന വനിതാ പ്രവർത്തകർ

ചൂടാ'ൻ ഷാൾ...പകൽ സമയത്തെ ചൂടിൽ നിന്ന് രക്ഷനേടാൻ കൈയിലുണ്ടായിരുന്ന ഒരു ഷാൾ ഒന്നിച്ച് മൂടിവരുന്ന പെൺകുട്ടികൾ. കോട്ടയം നഗരത്തിൽ നിന്നുള്ള കാഴ്ച

കൂടെ കൂടെ... അര നൂറ്റാണ്ട് മുൻപ് തിരുനെൽവേലിയിൽ നിന്നും കോട്ടയത്തെത്തിയതാണ് രത്നവും കുമാരനും.ആക്രി പെറുക്കി വിറ്റാണ് എഴുപതാം വയസിലും ഇരുവരും ഒന്നിച്ച് മുന്നോട്ട് പോകുന്നത്.നാളുകൾക്ക് മുൻപ് കാഴ്ചശക്തി നഷ്ടപ്പെട്ട പ്രിയമിത്രം കുമാരനെയും കൂട്ടി താമസ സ്ഥലത്തേക്ക് പോകുന്ന രത്നം. കോട്ടയം നാഗമ്പടത്ത് നിന്നുള്ള കാഴ്ച.

ക്യൂട്ട് കട്ട്... നഴ്സസ് വാരാഘോഷത്തിന്റെ ഭാഗമായി കോട്ടയം എൻ.എച്ച്.എം കോൺഫറൻസ് ഹാളിൽ സംഘടിപ്പിച്ച ഹെയർ ഡൊണേഷൻ ക്യാമ്പിൽ പാലക്കാട് വടക്കഞ്ചേരിയിൽ നിന്നുമെത്തിയ നാല് വയസ്സുകാരൻ നമശ്വിക് അജീഷിൻ്റെ മുടി മുറിച്ചെടുക്കുമ്പോഴുള്ള ഭാവം. സ്കൂളിൽ ചേരും മുൻപേ മുടി ദാനം നൽകുവാൻ രക്ഷിതാക്കളായ അജീഷും, നവ്യയുമാണ് രണ്ടര വർഷമായി നമശ്വിക്കിൻ്റെ മുടി സംരക്ഷിച്ചത്.

TRENDING THIS WEEK

മൺസൂൺ കാലവർഷത്തിന്റെ വരവറിയിച്ച് ആകാശം കറുത്തിരുളുന്നതിന് മുന്നോടിയായി സന്ധ്യാകാശത്തിന്റെ പശ്ചാത്തലത്തിൽ കായൽപരപ്പിൽ കയാക്കിംഗ് നടത്തുന്ന വിനോദസഞ്ചാരികൾ. പള്ളാത്തുരുത്തിയിൽ ദൃശ്യം

ശക്തമായ കാറ്റിലും മഴയിലും പാലക്കാട് ശ്രീകൃഷ്ണപുരം ആറ്റശ്ശേരി ഭാഗത്ത് മുഹമ്മദ് അലിയുടെ വീടിൻ്റെ മേൽകൂര കാറ്റിൽ പറന്ന്പോയ നിലയിൽ.

എറണാകുളം ജില്ലയുടെ അതിർത്തി ഗ്രാമമായ ചെല്ലാനം പഞ്ചായത്തിലെ കണ്ടക്കടവിൽ നിന്നുള്ള കാഴ്ച

2026 ഫിഫ ലോകകപ്പിനുള്ള ആവേശത്തോടനുബന്ധിച്ച് ചെല്ലാനം ബസാറിൽ സ്ഥാപിച്ച ലയണൽ മെസിയുടെ 25 അടി ഉയരമുള്ള കട്ടൗട്ട്

പാലക്കാട് യു.ഡി.എഫ് ജില്ലാ കമ്മിറ്റിയുടെ നേതൃത്വത്തിൽ ടോപ് ഇൻ ടൗൺ ഹാളിൽ ജില്ലയിലെ മന്ത്രിമാർക്കും എം .എൽ. എമാർക്കും നൽകിയ സ്വീകരണം ഉദ്ഘാടനം നിർവ്വഹിക്കാൻയത്തിയ മുസ്ലീം ലീഗ് ദേശീയ വൈസ് പ്രസിഡൻ്റ് അബ്ദൂൾ സമദ് സമദാനി എം.പി രമേഷ് പിഷാരടിക്ക് ഹസ്ത ദാനം ചെയ്യുന്നു.മന്ത്രി കെ. എ. തുളസി സമീപം പിഷാരടിക്ക് ഹസ്ത ദാനം ചെയ്യുന്നു.മന്ത്രി കെ. എ. തുളസി സമീപം

ആലപ്പുഴ നഗരത്തിൽ ഇന്നലെ പെയ്ത മഴ ആസ്വദിച്ച് നടന്നുനീങ്ങുന്നവർ. ജനറൽ ആശുപത്രി ജംഗ്‌ഷന് സമീപത്തു നിന്നുള്ള ദൃശ്യം

ആലപ്പി വാട്ടർ സ്പോർട്സ് അക്കാദമിയുടെ നേതൃത്വത്തിൽ ഡ്രാഗൺ ബോട്ടിൽ തുഴച്ചിൽ പരിശീലനം നടത്തുന്ന കുട്ടികൾ. ചുങ്കത്ത് നിന്നുള്ള ദൃശ്യം

പാലക്കാട് യു.ഡി.എഫ് ജില്ലാ കമ്മിറ്റിയുടെ നേതൃത്വത്തിൽ ടോപ് ഇൻ ടൗൺ ഹാളിൽ ജില്ലയിലെ മന്ത്രിമാർക്കും എം .എൽ. എമാർക്കും നൽകിയ സ്വീകരണം ഉദ്ഘാടനം നിർവ്വഹിക്കാൻയത്തിയ മുസ്ലീം ലീഗ് ദേശീയ വൈസ് പ്രസിഡൻ്റ് അബ്ദൂൾ സമദ് സമദാനി എം.പിയും രമേഷ് പിഷാരടിയും സൗഹൃദ സംഭാഷണത്തിൽ.മന്ത്രിമാരായ കെ. എ. തുളസി, എൻ. ഷംസുദ്ധീൻ, സുമേഷ് അച്യുതൻ എം.എൽ.എ എന്നിവർ സമീപം

ആലപ്പുഴ കളർകോട് ടെംബിൾ ഓഫ് ഇംഗ്ലീഷ് സ്കൂളിന്റെ തിണ്ണയിൽ വിതറിയ മണലിൽ കുഞ്ഞുങ്ങളെ അക്ഷരം എഴുതിക്കുന്ന ഇന്ദിരാമ്മ

തൃശൂർ പൂച്ചെട്ടിയിൽ ഉണ്ടായ മിന്നൽ ചുഴലിയിൽ തകർന്ന വീട്ടിൽ നിന്നും പു തുണികളും മറ്റും സുരക്ഷിത സ്ഥലങ്ങളിലേക്ക് കൊണ്ട് വരുന്ന എട്ടാം ക്ലാസിൽ പഠിക്കുന്ന മീനാക്ഷി അഛൻ പ്രേംദാസ് അമ്മ അജിത എന്നിവർ

© Copyright Keralakaumudi Online