വീൽച്ചെയർ നൽകി

കുണ്ടറ : കുണ്ടറ ഗ്രാമപഞ്ചായത്തിലെ മുളവന ഒന്നാം വാർഡ് സ്നേഹസ്പർശനം പദ്ധതിയുടെ ഭാഗമായി മുളവന സ്വദേശിയ്ക്ക് വീൽച്ചെയർ നൽകി. ചിറ്റുമല എം.ജി.എം ട്രസ്റ്റും ഭിന്നശേഷി- വയോജന കേന്ദ്രവും സഹകരിച്ചാണ് വീൽച്ചെയർ നൽകിയത്. ബ്ളോക്ക് പഞ്ചായത്തംഗം ജോൺ ഡാനിയേൽ കൈമാറി. വാർഡ് മെമ്പർ സരിനി അനിൽ അദ്ധ്യക്ഷത വഹിച്ചു. വരുൺ ജോർജ്ജ് പണിക്കർ, ജി.അനിൽകുമാർ, ഗ്രേസി ഷാജി, ലിസി സാം, വൈ.റോയ്, ലത സുരേഷ്, സി.നന്ദിനി എന്നിവർ പങ്കെടുത്തു.