കെ.എസ്.എസ്.പി.എ വാർഷിക സമ്മേളനം

കൂത്താട്ടുകുളം: കേരള സ്റ്റേറ്റ് സർവീസ് പെൻഷണേഴ്സ് അസോസിയേഷൻ കൂത്താട്ടുകുളം മണ്ഡലം വാർഷിക സമ്മേളനം നടന്നു. മണ്ഡലം പ്രസിഡന്റ് വി.എൻ.വിശ്വനാഥൻ നായർ പതാക ഉയർത്തി സമ്മേളനം ആരംഭിച്ചു. ​വാർഷിക സമ്മേളനത്തിന്റെ ഉദ്ഘാടനം കൂത്താട്ടുകുളം നഗരസഭ ചെയർപേഴ്സൺ റെജി ജോൺ നിർവഹിച്ചു. സംസ്ഥാന വൈസ് പ്രസിഡന്റ് ജോർജ് പി. എബ്രഹാം മുഖ്യപ്രഭാഷണം നടത്തി. സംഘടനയിലേക്ക് പുതുതായി എത്തിയ അംഗങ്ങളെ പിറവം ബ്ലോക്ക് കോൺഗ്രസ് പ്രസിഡന്റ് പി.സി. ജോസ് പൊന്നാടയണിയിച്ച് സ്വീകരിച്ചു. ​യോഗത്തിൽ ബ്ലോക്ക്, ജില്ലാ, സംസ്ഥാന തലങ്ങളിലെ കെ.എസ്.എസ്.പി.എ ഭാരവാഹികൾ സംസാരിച്ചു.