ദന്തോ പാന്ത് ടേംഗ്ജി സ്മൃതിദിനം

കാസർകോട്: ദേശീയ കാഴ്ചപ്പാടുള്ള തൊഴിലാളി സമൂഹത്തെ ഒന്നിപ്പിക്കാൻ പരിശ്രമിച്ച വ്യക്തിയാണ് ദന്തോ പാന്ത് ടേംഗ്ജിയെന്ന് ബി.എം.എസ് സംസ്ഥാന വൈസ് പ്രസിഡന്റ് അഡ്വ. പി. മുരളീധരൻ കോഴിക്കോട് പറഞ്ഞു. ദന്തോ പാന്ത് ടേംഗ്ജി സ്മൃതിദിന പരിപാടിയിൽ സംസാരിക്കുകയായിരുന്നു അദ്ദേഹം. രാഷ്ട്രീയത്തിനതീതമായ ഭാരതത്തിൽ ബി.എം.എസ് എന്ന തൊഴിലാളി സംഘടന സ്ഥാപിക്കുകയും വളർച്ചയ്ക്ക് നിർണായക പങ്ക് വഹിക്കുകയും ചെയ്തു. തൊഴിലാളികളുടെ ആവശ്യങ്ങൾ നേടിയെടുക്കാൻ ഏതറ്റം വരെയും പോകാൻ തയാറായിരുന്ന അദ്ദേഹത്തിന്റെ ജീവിതം എല്ലാവരും പഠിക്കണമെന്ന് അദ്ദേഹം പറഞ്ഞു. ബി.എം.എസ് ജില്ലാ പ്രസിഡന്റ് ഉപേന്ദ്രൻ കോട്ടക്കണ്ണി അദ്ധ്യക്ഷനായി. സംസ്ഥാന സമിതി അംഗം ടി. കൃഷ്ണൻ, ജില്ലാ ട്രഷറർ മനീഷ് എന്നിവർ സംസാരിച്ചു. ജില്ലാ സെക്രട്ടറി കെ.വി ബാബു സ്വാഗതവും ഭരതൻ കല്യാൺ റോഡ് നന്ദിയും പറഞ്ഞു.