ലഹരിക്കെതിരെ ജാഗ്രതാസദസ്

കൊടുവള്ളി: ലഹരി വിരുദ്ധ പ്രവർത്തനങ്ങളുടെ ഭാഗമായി പട്ടിണിക്കരയിൽ ജാഗ്രതാസമിതിയുടെ ആഭിമുഖ്യത്തിൽ ജാഗ്രതാസദസ് സംഘടിപ്പിച്ചു. നഗരസഭാ ചെയർപേഴ്സൺ സഫീന ഷമീർ ഉദ്ഘാടനം ചെയ്തു. ജാഗ്രത സമിതി കൺവീനർ എൻ. സന്ദീപ് അദ്ധ്യക്ഷത വഹിച്ചു. എ.എസ്.ഐ. രാജേഷ് മുഖ്യാതിഥിയായി പങ്കെടുത്തു. സിവിൽ എക്സൈസ് ഓഫീസർ ഷഫീക്കലി ബോധവത്കരണ ക്ലാസിന് നേതൃത്വം നൽകി. കമ്മ്യൂണിറ്റി കൗൺസിലർ കെ. അമ്പിളി, പി. അബൂബക്കർ, പി. ആലിക്കുട്ടി, യു. പി. മജീദ്, കെ.പി. അബ്ദുസ്സലാം, കെ. കെ. ജാഫർ, കെ. വിലാസിനി പ്രസംഗിച്ചു. ജാഗ്രതാസമിതി ചെയർമാൻ കെ. വി. മുജീബ് സ്വാഗതവും സി. സി. മിനി നന്ദിയും പറഞ്ഞു.