കൺവെൻഷൻ

മണ്ണാർക്കാട്: കേരള സ്‌റ്റേറ്റ് സർവീസ് പെൻഷനേഴ്സ് യൂണിയൻ (കെ.എസ്.എസ്.പി.യു) കോട്ടോപ്പാടം പഞ്ചായത്ത് കൺവെൻഷൻ ഗ്രാമപഞ്ചായത്ത് അംഗം എം.അയ്യപ്പൻ ഉദ്ഘാടനം ചെയ്തു. യൂണിറ്റ് പ്രസിഡന്റ് പി.അരവിന്ദാക്ഷൻ അദ്ധ്യക്ഷനായി. പുതിയ അംഗങ്ങളെ സ്വീകരിക്കൽ, ഉന്നതവിജയികളെ ആദരിക്കൽ, കവിതാലാപനം എന്നിവയുമുണ്ടായി. രക്ഷാധികാരി എസ്.ഗോപാലപിള്ള, സെക്രട്ടറി അസീസ് മാമ്പറ്റ, ടി.എസ്.രവീന്ദ്രൻ, മറ്റു ഭാരവാഹികളായ പി.കെ.ജയപ്രകാശ്, കെ.എം.ശിവദാസൻ, കെ.വിജയകൃഷ്ണൻ, സി.കെ.ബുധരാജ്, കെ.നിർമ്മല, പി.എം.കൊച്ചുബീവി, കുഞ്ഞീതു തുടങ്ങിയവർ സംസാരിച്ചു.