വെള്ളിമൺ കൊലപാതകം: തെളിവെടുപ്പിനിടെ അസഭ്യവർഷവും ചീമുട്ടയേറുമായി നാട്ടുകാർ

കൊ​ല്ലം: വെ​ള്ളി​മ​ണിൽ ഭർ​ത്താ​വി​നെ ക​ഴു​ത്തിൽ ബെൽ​റ്റ് മു​റു​ക്കി കൊ​ല​പ്പെ​ടു​ത്തി​യ കേ​സിൽ പ്ര​തി ലേ​ഖാ മേ​രി​യെ (48) വീ​ട്ടി​ലെ​ത്തി​ച്ച് തെ​ളി​വെ​ടു​പ്പ് ന​ട​ത്തി. നാ​ട്ടു​കാ​രു​ടെ ക​ടു​ത്ത പ്ര​തി​ഷേ​ധ​ത്തി​നി​ടെ​യാ​യി​രു​ന്നു തെ​ളി​വെ​ടു​പ്പ്. വെ​ള്ളി​മൺ വ്‌​ളാ​വേ​ത്ത് രാ​ജു മ​ന്ദി​ര​ത്തിൽ രാ​ജു​വി​നെ (56) കൊ​ല​പ്പെ​ടു​ത്തി​യ കേ​സി​ലാ​ണ് ബു​ധ​നാ​ഴ്​ച രാ​വി​ലെ 12 ഓ​ടെ കു​ണ്ട​റ സി.ഐ സു​നു​കു​മാ​റി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം രേ​ഖ മേ​രി​യു​മാ​യി തെ​ളി​വെ​ടു​പ്പി​ന് വീ​ട്ടിലെത്തി​യ​ത്.
ഈ സമയം സം​ഘ​ടി​ച്ചെ​ത്തി​യ നാ​ട്ടു​കാർ അ​സ​ഭ്യ​വർ​ഷം ന​ട​ത്തു​കയും ചീ​മു​ട്ട​ ഏറിയുകയും ചെയ്തു. കൊ​ല​പാ​ത​കം ന​ട​ത്തി​യ രീ​തി ലേ​ഖാ​മേ​രി പൊ​ലീസി​നോ​ട് വി​വ​രി​ച്ചു. നാ​ട്ടു​കാ​ർ പ്ര​കോ​പിതരായതോടെ പത്ത് മി​നിറ്റിൽ തെ​ളി​വെ​ടു​പ്പ് പൂർത്തിയാക്കി ഉ​ടൻ​ത​ന്നെ മടങ്ങി.

ക​ഴി​ഞ്ഞ 2ന് വെ​ളു​പ്പി​ന് 5.30​നാ​ണ് ബ​ന്ധു​ക്കൾ രാ​ജു​വി​നെ അ​ബോ​ധാ​വ​സ്ഥ​യിൽ കു​ണ്ട​റ​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച​ത്. പ​രി​ശോ​ധ​ന​യിൽ മ​രി​ച്ച​താ​യി സ്ഥി​രീ​ക​രി​ച്ചു. വീ​ട്ടിൽ കു​ഴ​ഞ്ഞു​വീ​ണെ​ന്നാ​ണ് ലേ​ഖാ മേ​രി അ​റി​യി​ച്ച​ത്. പോസ്റ്റ്മോർട്ടത്തിൽ സം​ശ​യം തോ​ന്നി​യ ഡോ​ക്ടർ പൊ​ലീ​സി​നെ വി​വ​രം അ​റി​യി​ക്കു​ക​യാ​യി​രു​ന്നു. ചോ​ദ്യം ചെ​യ്യ​ലിൽ ലേ​ഖാ​മേ​രി കു​റ്റം സ​മ്മ​തി​ച്ചു.

പെ​യിന്റിം​ഗ് തൊ​ഴി​ലാ​ളി​യാ​യ രാ​ജു​വും ലേ​ഖാ​മേ​രി​യും ത​മ്മിൽ സ്വ​ത്ത് തർക്കം നിലനിന്നിരുന്നു. ഒ​രു​വർ​ഷ​ത്തോ​ള​മാ​യി അ​ക​ന്ന് കഴിയുകയായിരുന്നു. ഏ​ക മ​കൾ ബ​ന്ധുവീ​ട്ടിൽ നി​ന്നാ​ണ് പഠി​ക്കു​ന്ന​ത്.