കേറ്റിൽ അണ്ടർ പാസ് : സമര സമിതി രൂപികരിച്ചു

വടകര: ദേശീയപാത ചോമ്പാലയിൽ കേറ്റിൽ അണ്ടർ പാസേജ് സ്ഥാപിക്കണമെന്ന ആവശ്യത്തിനായി സമര സമിതി രൂപികരിച്ചു. അഴിയൂർ, ഒഞ്ചിയം, ഏറാമല, ചോറോട്, മാഹി തുടങ്ങിയ പ്രദേശങ്ങളിൽ നിന്ന് കന്നുകാലികൾ ഉൾപെടെയുള്ള വളർത്തു മൃഗങ്ങളുമായി ആളുകൾ എത്തുന്നതാണ്. ദേശീയപാത പൂർത്തിയാവുന്നതോടെ ചോമ്പാൽ ബ്ലോക്ക് ഓഫീസിനോട് ചേർന്നുള്ള മൃഗാശുപത്രിയിലേക്കും ചോമ്പാൽ മിനി സ്റ്റേഡിയത്തിലേക്കുമുള്ള വഴി അടയുമെന്ന ആശങ്കയിലാണ് നാട്ടുകാർ. സമരത്തിന് തുടക്കം കുറിച്ച് 28ന് വൈകിട്ട് നാലിന് ചോമ്പാൽ മിനി സ്റ്റേഡിയ പരിസരത്ത് സമര പന്തൽ ഉയരും. യോഗം ദേശീയപാത കർമ്മ സമിതി ജില്ല കൺവീനർ എ.ടി മഹേഷ് ഉദ്ഘാടനം ചെയ്തു. ഭാരവാഹികൾ: വി പി അനിൽകുമാർ (ചെയർ ), വി കെ അനിൽ കുമാർ (ജന: കൺ), സുജിത്ത് പുതിയോട്ടിൽ ( ട്രഷ)