ഐഐടി മുംബയിലെ വിദ്യാർത്ഥിയുടെ ആത്മഹത്യ; ആരോപണവിധേയനായ  പ്രൊഫസർ അവധിയിൽ  പ്രവേശിച്ചു

മുംബയ്: ഐഐടി മുംബയിലെ രണ്ടാം വർഷ ബിടെക് വിദ്യാർത്ഥി സാഹിൽ വകോഡെയുടെ ആത്മഹത്യയുമായി ബന്ധപ്പെട്ട കേസിലെ ആരോപണവിധേയനായ പ്രൊഫസർ സൂര്യനാരായണ ദൂല്ല അവധിയിൽ പ്രവേശിച്ചു. ആത്മഹത്യാ പ്രേരണ, ജാതിവിവേചനം എന്നീ കുറ്റങ്ങൾ ചുമത്തി ദൂല്ലയ്‌ക്കെതിരെ കേസെടുത്തിരുന്നു. സാഹിലിന്റെ മരണത്തിൽ പ്രതിഷേധവുമായി വിദ്യാർത്ഥികൾ രംഗത്തെത്തിയതോടെ തിങ്കളാഴ്ച ദൂല്ലയെ കോളേജ് ഡീൻ സ്ഥാനത്ത് നിന്നും സസ്‌പെൻഡ് ചെയ്തിരുന്നു. പിന്നാലെയാണ് ഇപ്പോൾ സൂര്യനാരായണ ദൂല്ല അവധിയിൽ പ്രവേശിച്ചിരിക്കുന്നത്.

പരീക്ഷക്കിടെ മൊബൈൽ ഫോണിലെ ചാറ്റ്‌ജിപിടിയിൽ ചോദ്യപേപ്പർ അപ്‌ലോഡ് ചെയ്തതിന് സാഹിലിനെ പിടികൂടിയെന്നാണ് അധികൃതർ പറയുന്നത്. അധികൃതരുമായി സംസാരിച്ചതിന് പിന്നാലെ വിദ്യാർത്ഥി ഹോസ്റ്റൽ മുറിയിലേയ്ക്ക് മടങ്ങിയിരുന്നു. വൈകുന്നേരമാണ് മരിച്ച നിലയിൽ കണ്ടെത്തിയത്. സാഹിൽ പരീക്ഷ എഴുതിയപ്പോൾ ഇൻവിജലേറ്ററായിരുന്നു ദൂല്ല. എന്നാൽ സാഹിൽ ജാതി വിവേചനം നേരിട്ടെന്നും മാനസികമായി പീഡിപ്പിക്കപ്പെട്ടുവെന്നും വിദ്യാർത്ഥിയുടെ മാതാപിതാക്കൾ ആരോപിച്ചിരുന്നു.

അതേസമയം, ചാറ്റ്ജിപിടി ഉപയോഗിച്ച് പരീക്ഷയിൽ സഹിൽ കോപ്പിയടിച്ചെന്ന ആരോപണത്തിൽ നിന്ന് ഐഐടി ബോംബെ തിങ്കളാഴ്ച പിന്മാറി.

'സഹിലിന്റെ ദൗർഭാഗ്യകരമായ മരണവുമായി ബന്ധപ്പെട്ട സാഹചര്യങ്ങളക്കുറിച്ച് നേരത്തെ നൽകിയ പ്രസ്താവനകളിലെ പരാമർശങ്ങളിൽ ഞങ്ങൾ ക്ഷമ ചോദിക്കുന്നു. സംഭവത്തിലേക്ക് നയിച്ച സാഹചര്യം വിശദമായി പരിശോധിക്കും'- എന്ന് ഇൻസ്റ്റിറ്റ്യൂട്ട് പുതിയ പ്രസ്താവനയിൽ അറിയിച്ചു.

We apologise for the statements contained in our earlier communication concerning the circumstances surrounding the unfortunate demise of Sahil.

The details and circumstances leading up to the incident remain subject to investigation by the appropriate authorities. In view of the ongoing investigation, it was inappropriate to have set out or characterised details relating to the events preceding his demise before they had been duly established through the appropriate investigative process.

— IIT Bombay (@iitbombay) September 21, 2026