ടെസ്‌ല ഫുൾ സെൽഫ് ഡ്രൈവിംഗ് മോഡിലിട്ട് ഉറങ്ങി; കാർ പൊലീസ് വാഹനത്തിൽ ഇടിച്ചുകയറി അപകടം

സാക്രാമെന്റോ: ഫുൾ സെൽഫ് ഡ്രൈവിംഗ് മോഡിൽ പ്രവർത്തിക്കുകയായിരുന്ന ടെസ്‌ല കാർ പൊലീസ് വാഹനത്തിലേയ്ക്ക് ഇടിച്ചുകയറി അപകടം. അമേരിക്കയിലെ കാലിഫോ‌ർണിയയിലാണ് സംഭവം നടന്നത്. ദേശീയ പാതയിൽ പട്രോളിംഗ് ഡ്യൂട്ടിയിലുണ്ടായിരുന്ന രണ്ട് പൊലീസ് ഉദ്യോഗസ്ഥർക്ക് അപകടത്തിൽ ഗുരുതരമായി പരിക്കേറ്റു. കാർ ഫുൾ സെൽഫ് മോഡിലിട്ടതിനുശേഷം താൻ ഉറങ്ങിയെന്നാണ് ഡ്രൈവർ പൊലീസിന് മൊഴി നൽകിയത്. സാക്രാമെന്റോയിൽ നിന്നുള്ള 22കാരനാണ് ഡ്രൈവർ. ഇയാൾക്ക് പരിക്കൊന്നും പറ്റിയില്ല.

ഒക്‌ടോബർ 13 ചൊവ്വാഴ്‌ച അർദ്ധരാത്രിയോടെ കാലിഫോർണിയയിലെ ഫെയർഫീൽഡിന് സമീപത്തായാണ് അപകടമുണ്ടായത്. അതേ സ്ഥലത്ത് നേരത്തെ അപകടം നടന്നത് പരിശോധിക്കുകയായിരുന്ന ഉദ്യോഗസ്ഥരുടെ വാഹനത്തിലേക്കാണ് ടെസ്‌ല ഇടിച്ചുകയറിയത്. മുൻപത്തെ അപകടത്തെത്തുടർന്ന് നിരവധി വഴികൾ പൊലീസ് അടച്ചിടുകയും അവിടെ മുന്നറിയിപ്പ് ബോർഡുകൾ സ്ഥാപിക്കുകയും ചെയ്തിരുന്നു. ഇതെല്ലാം മറികടന്നാണ് നിരോധിത മേഖലയിലൂടെ കാറെത്തിയത്. അപകടത്തിന്റെ ദൃശ്യങ്ങളും പുറത്തുവന്നിട്ടുണ്ട്.

Two Solano CHP officers were seriously injured when a Tesla struck their patrol vehicle on I-80 eastbound, despite flares, cones, and flashing emergency lights.

The driver claimed he was asleep while using driver-assistance technology.

Drivers must remain alert and in control. https://t.co/VlavzeWRzk

— CHP Headquarters (@CHP_HQ) October 16, 2026