ലോ ആന്റ് ഓർഡർ 24ന് നടപ്പാക്കും, പുതിയ പോസ്റ്റർ

പ്രകാശ് വർമ്മയെ കേന്ദ്ര കഥാപാത്രമാക്കി രഞ്ജിത് സംവിധാനം ചെയ്യുന്ന ലോ ആന്റ് ഓഡർ എന്ന ചിത്രത്തിന്റെ പുതിയ പോസ്റ്റർ റിലീസ് ചെയ്തു. സംസ്ഥാനത്ത് ക്രമസമാധാനം സംരക്ഷിക്കാൻ നിയോഗിക്കപ്പെട്ട അഞ്ച് ചെറുപ്പക്കാരായ എസ് ഐ മാരുടെയും അവരെ നയിക്കുന്ന പൊലീസ് ഓഫീസറുടെയും സംഘർഷഭരിതമായഔദ്യോഗിക ജീവിത മുഹൂർത്തങ്ങൾ, ആക്ഷന് ഏറെ പ്രാധാന്യം നൽകി മാസ് എന്റർടെയ്നറായി ഒരുക്കുന്ന ചിത്രം ജൂലായ് 24ന് റിലീസ് ചെയ്യും.

അഭിരാമി,ഋതുദേവ് അയ്യപ്പൻ,ഷനൂദ് ഇബ്രാഹിം,ഡോൺ മൈക്കിൾ,സജൽ സുദർശനൻ, നിജാദ് ബാബു തോമസ്, ഷേർഷ ഷെരീഫ്, റിനോഷ് ജോർജ്ജ്, അമൽ ജോസ് ആന്റണി,ബോബി കുര്യൻ,വി. കെ. പ്രകാശ്,ദേവൻ,സുരേഷ് കൃഷ്ണ,ആനന്ദ് മന്മഥൻ,ജോയ് മാത്യു, ഭീമൻ രഘു,ജെയ്സ്, അസീം ജമാൽ, ജോണി ആന്റണി, അജയ് വാസുദേവ്, അക്ഷയ് രാധാകൃഷ്ണൻ, ശങ്കർ രാമകൃഷ്ണൻ, നന്ദൻ ഉണ്ണി,മോഹൻ ജോസ്,മാധുരി, സാബു മോൻ, ഗുണ്ട്കാട് സാബു, നന്ദു,മുരുകൻ, സന്ധ്യ രാജേന്ദ്രൻ, വൈഷ്ണവി, രമാദേവി,അംബിക നായർ തുടങ്ങിയവരാണ് മറ്റ് താരങ്ങൾ. സത്യം സിനിമാസ്, മഹാ സുബൈർ മൂവി ക്ഷേത്ര എന്നീ ബാനറിൽ പ്രേമചന്ദ്രൻ എ. ജി,മഹാസുബൈർ എന്നിവർ ചേർന്ന് നിർമ്മിക്കുന്ന ചിത്രത്തിന്റെ ഛായാഗ്രഹണം പ്രശാന്ത് രവീന്ദ്രൻ നിർവഹിക്കുന്നു. തിരക്കഥ ഉദയ് കൃഷ്ണ . ഷിബു ചക്രവർത്തിയുടെ വരികൾക്ക് ജോ ഡാനിയൽ സംഗീതം പകരുന്നു. പശ്ചാത്തല സംഗീതം-ബിജിബാൽ, എഡിറ്റർ-മനോജ് കണ്ണോത്ത്, പി .ആർ. ഒ എ. എസ്. ദിനേശ്.