സ്വർണം നേടുന്നവർക്ക് 50 ലക്ഷം, വെള്ളിക്ക് 30 ലക്ഷം; ഏഷ്യൻ ഗെയിംസിൽ മിന്നിയാൽ മലയാളി താരങ്ങൾ ലക്ഷപ്രഭുക്കൾ

തിരുവനന്തപുരം: ഏഷ്യൻ ഗെയിംസിൽ സ്വർണം ലഭിക്കുന്ന മലയാളികൾക്ക് വമ്പൻ പാരിതോഷികം പ്രഖ്യാപിച്ച് കായികവകുപ്പ് മന്ത്രി ഒ.ജെ ജനീഷ്. സ്വർണ മെഡൽ നേടുന്നവർക്ക് 50 ലക്ഷം രൂപയും വെള്ളി നേടുന്നവർക്ക് 30 ലക്ഷവും വെങ്കലം നേടുന്നവർക്ക് 20 ലക്ഷം രൂപയുമാണ് പാരിതോഷികം പ്രഖ്യാപിച്ചിരിക്കുന്നത്. സ്വർണം നേടുന്നവരുടെ പരിശീലകർക്ക് അഞ്ച് ലക്ഷം, വെള്ളി നേടുന്നവരുടെ പരിശീലകർക്ക് 3 ലക്ഷം, വെങ്കലം നേടുന്ന പരിശീലകർക്ക് രണ്ട് ലക്ഷം എന്നിങ്ങനെയാണ് പാരിതോഷികം.