പുനലൂർ-ബംഗളൂരു ബസ് സർവീസ്

പുനലൂർ: മൂന്ന് മാസമായി നിറുത്തലാക്കിയിരുന്ന പുനലൂർ-ബംഗളൂരു സൂപ്പർ ഡീലക്സ് പ്രതിവാര സർവീസ് പുനരാരംഭിക്കുമെന്ന് സി.അജയപ്രസാദ് എം.എൽ.എ അറിയിച്ചു. കെ.എസ്.ആർ.ടി.സി എം.ഡിയുമായി നടത്തിയ ചർച്ചയിലാണ് തീരുമാനം. വരുന്ന 28 മുതൽ സർവീസ് പുനരാരംഭിക്കും. പുനലൂരിൽ നിന്ന് വൈകിട്ട് 3.15ന് വ്യാഴം, ഞായർ ദിവസങ്ങളിലും, ബംഗളൂരുവിൽ നിന്ന് വൈകിട്ട് 3.10ന് തിങ്കൾ, വെള്ളി ദിവസങ്ങളിലും സർവീസ് നടത്തും. onlineksrtcswift.com എന്ന വെബ്സൈറ്റിൽ യാത്രക്കാർക്ക് മുൻകൂട്ടി സീറ്റ് ബുക്ക് ചെയ്യാൻ സാധിക്കും. പത്തനംതിട്ട, തിരുവല്ല, കോട്ടയം, തൃശൂർ, കോയമ്പത്തൂർ വഴിയാണ് സർവീസ്.