പ്രതിഷേധിച്ചു

പട്ടാമ്പി: യു.പി.ഐ ഇടപാടുകൾക്ക് എം.ഡി.ആർ ചുമത്തുന്നതിനെതിരെ കേരളവ്യാപാരി വ്യവസായി ഏകോപന സമിതി തൃത്താല നിയോജക മണ്ഡലം കമ്മിറ്റിയുടെ നേതൃത്വത്തിൽ പന്തം കൊളുത്തി പ്രതിഷേധിച്ചു. മണ്ഡലത്തിലെ 19 യൂണിറ്റുകളിൽ നിന്നുള്ള നൂറുകണക്കിന് വ്യാപാരികൾ പന്തങ്ങളേന്തി പ്രകടനത്തിൽ അണിനിരന്നു. പടിഞ്ഞാറങ്ങാടി ടൗൺ കേന്ദ്രീകരിച്ച് നടന്ന പ്രതിഷേധത്തിന് വ്യാപാരി വ്യവസായി ഏകോപന സമിതി ഭാരവാഹികളായ ടി.പി.ഷക്കീർ, കെ.ആർ.ബാലൻ, ഷമീർ വൈക്കത്ത്, എ.കെ.അബൂബക്കർ ആറങ്ങോട്ടുകര, ഫൈസൽ ആലൂർ, ഗഫൂർ, രവീന്ദ്രൻ, ബഷീർ, സുമേഷ്, നാസർ തുടങ്ങിയവർ നേതൃത്വം നൽകി.