എസ്‌ഐആർ വിരുദ്ധ പ്രതിഷേധം ആളിക്കത്തിക്കാൻ പാക് നീക്കമെന്ന് റിപ്പോർട്ട്; വാർത്ത പുറത്തുവിട്ട് ആർഎസ്എസ് മുഖപത്രം

പ്രതിഷേധങ്ങൾക്കിടെ പൊലീസ് വെടിവയ്‌പ് നടത്തി, ലാത്തിച്ചാർജ് നടത്തി, കണ്ണീർ വാതക ഷെല്ലുകൾ പ്രയോഗിച്ചു തുടങ്ങിയവ ഇവർ പ്രചരിപ്പിക്കുന്ന വ്യാജസന്ദേശങ്ങളാണെന്നും റിപ്പോർട്ടിൽ പറയുന്നു. ഇത്തരം സന്ദേശങ്ങളിലൂടെ പ്രതിഷേധം നടത്തുന്ന യുവാക്കളെ പ്രകോപിപ്പിച്ച് പൊലീസുകാരുമായുള്ള ഏറ്റുമുട്ടലുകൾക്ക് വഴിയൊരുക്കാനാണ് ശ്രമമെന്ന് രഹസ്യാന്വേഷണ ഉദ്യോഗസ്ഥർ വിലയിരുത്തുന്നു. സംഘർഷങ്ങളുണ്ടാക്കി സ്ഥിതിഗതികളെ വഷളാക്കാനാണ് ശ്രമമെന്നും റിപ്പോർട്ടിൽ പറയുന്നു.

മുൻകാലങ്ങളിലും വ്യാജ അക്കൗണ്ടുകൾ ഉപയോഗിച്ചുള്ള പ്രചാരണങ്ങൾ ഉണ്ടായിട്ടുണ്ടെങ്കിലും നിലവിൽ അതിന്റെ വ്യാപ്‌തിയും സംഘടിത സ്വഭാവവും വലുതാണെന്ന് ഉദ്യോഗസ്ഥർ വിലയിരുത്തിയതായും റിപ്പോർട്ടിൽ ചൂണ്ടിക്കാട്ടുന്നു. എന്നാൽ, ഇന്ത്യൻ ഡിഫൻസ് റിസർച്ച് വിംഗ്‌ പുറത്തുവിട്ട റിപ്പോർട്ടിൽ ഉന്നയിക്കുന്ന ആരോപണങ്ങളിൽ ഔദ്യോഗിക പ്രതികരണമോ സ്ഥിരീകരണമോ ഇതുവരെയും ലഭിച്ചിട്ടില്ല.