റഹ്മാന്റെ ഹഠാ, ടീസർ ട്രെന്റിംഗിൽ

എവർഗ്രീൻ സ്റ്റാർ റഹ്മാൻ നായകനാവുന്ന തെലുങ്ക് സയൻസ് ഫിക്ഷൻ ത്രില്ലർ ഹഠാ ടീസർ ട്രെന്റിംഗിൽ. റിലീസ് ചെയ്ത് ഒറ്റ ദിവസം കൊണ്ട് തന്നെ ഒന്നര മില്യണിൽഏറെ കാഴ്ചക്കാരെ ആകർഷിച്ച് യൂട്യൂബിൽ ടീസർ തരംഗമായി. അശ്വത്ഥാമ , 47 Days: The Mystery Unfolds എന്നീ സാങ്കേതിക മികവാർന്ന സിനിമകളുടെ ഛായഗ്രാഹകനായ അനുഷ് ഗോരക്കാണ് രചനയും, ഛായാഗ്രഹണവും സംവിധാനവും. ജെസിൻ ജോർജാണ് സംഗീതം.

സാങ്കേതികപരമായി ഒട്ടേറെ പുതുമകളും സവിശേഷതകളും ഉള്ള സിനിമയാണ് ഹഠാ . വാഗമൺ, ഹൈദരാബാദ് എന്നിവിടങ്ങളിലായിരുന്നു ചിത്രീകരണം. പൗർണമി എന്റർപ്രൈസസും കെ .എ പ്രൊഡക്ഷൻസും ചേർന്നാണ് നിർമ്മാണം. കുഷൂലു മദ്ദാല , തനൂജ പട്ടുസാമി, നമൃത എം വി എന്നിവരാണ് മറ്റ് താരങ്ങൾ. ദീപാവലി റിലീസായി ഒരുങ്ങുന്ന ചിത്രത്തിന്റെ പ്രവർത്തനങ്ങൾ ധൃതഗതിയിൽ പുരോഗമിക്കുന്നു. പി .ആർ .ഒ സി. കെ. അജയ് കുമാർ.