തിങ്കളാഴ്‌ചയും പൊതുഅവധി പ്രഖ്യാപിച്ചു; അഞ്ച് ദിവസം അവധി ആഘോഷിക്കാം

തിരുവനന്തപുരം: നവരാത്രി ആഘോഷങ്ങളുടെ ഭാഗമായി സംസ്ഥാനത്ത് ഒക്‌ടോബർ 19 തിങ്കളാഴ്‌ച പൊതുഅവധി പ്രഖ്യാപിച്ചു. ഇതുസംബന്ധിച്ച ഔദ്യോഗിക ഉത്തരവ് സർക്കാർ പുറത്തിറക്കി. ഇതോടെ വിദ്യാഭ്യാസ സ്ഥാപനങ്ങൾക്ക് ശനിയാഴ്‌ച ഉൾപ്പെടെ അ‌ഞ്ച് ദിവസം തുടർച്ചയായി അവധി ലഭിക്കും. സർക്കാർ ഉദ്യോഗസ്ഥർക്കും ഞായറാഴ്‌ച മുതൽ ബുധനാഴ്‌ച വരെ നാല് ദിവസത്തെ അവധി ലഭിക്കും.

ഔദ്യോഗിക കലണ്ടർ പ്രകാരം ചൊവ്വ, ബുധൻ ദിവസങ്ങളിൽ അവധിയാണ്. തിങ്കളാഴ്‌ച കൂടി അവധി ലഭിക്കുമോ എന്ന കാത്തിരിപ്പിലായിരുന്നു കേരളത്തിലെ ഭൂരിഭാഗംപേരും. തുടർച്ചയായി അവധി ലഭിക്കുന്നതോടെ യാത്രകൾ പോകാനൊരുങ്ങിയവർക്കും ആശ്വാസമായിരിക്കുകയാണ്.