ഇന്നുമുതൽ ഓഫ്‌ലെെൻ; സംസ്ഥാനത്ത് ഓൺലെെൻ ടാക്സി,​ കാർ ഡ്രൈവർമാർ  അനിശ്ചിതകാല സമരത്തിലേക്ക്

തിരുവനന്തപുരം: സംസ്ഥാനത്ത് ഇന്ന് മുതൽ ഓൺലെെൻ ടാക്സി,​ കാർ ഡ്രൈവർമാർ അനിശ്ചിതകാല സമരത്തിലേക്ക്. ന്യായമായ നിരക്ക് പരിഷ്‌കരണം,​ ബൈക്ക് ടാക്സി അവസാനിപ്പിക്കൽ,​ തൊഴിൽ സുരക്ഷ ഉറപ്പുവരുത്തണം തുടങ്ങിയ 11 ആവശ്യങ്ങൾ ഉന്നയിച്ചാണ് സമരം. കാറുകൾ കൂട്ടത്തോടെ ഓൺലെെൻ പ്ലാറ്റ്‌ഫോമുകളിൽ നിന്ന് ഓഫ്‌ലെെൻ ആക്കി.

ഇതോടെ ഊബർ,​ഓല,​ റാപ്പിഡോ,​ കേരള സവാരി കമ്പനികളുമായി സഹകരിച്ച് പ്രവർത്തിക്കുന്ന ടാക്സികൾ ഓഫ്‌ലൈനായി. ഇത് ഓൺലെെൻ ക്യാബുകളെ ആശ്രയിക്കുന്ന നിരവധി പേർ പ്രതിസന്ധിയിലാക്കും. കേരളത്തിലെ വിവിധ ജില്ലകളിൽ നിന്നുള്ള 33ഓളം ഓൺലെെൻ ടാക്സി ഡ്രൈവർ സംഘടനകളും വിവിധ ട്രേഡ് യൂണിയനുകളും ഒന്നിച്ചാണ് സമരരംഗത്തുള്ളത്.