ഇസ്രയേലിന്റെ സ്വാതന്ത്ര്യ ദിനാഘോഷത്തിന് മോദിയെ ക്ഷണിച്ച് നെതന്യാഹു,​ സ്മിത്ത് മച്ചാറിനും ക്ഷണം

ന്യൂഡൽഹി: ഇസ്രയേലിന്റെ സ്വാതന്ത്ര്യ ദിനാഘോഷ ചടങ്ങിൽ ദീപം തെളിക്കുന്ന ചടങ്ങിൽ പങ്കെടുക്കാൻ പ്രധാനമന്ത്രി നരേന്ദ്ര മോദിയെ ഔദ്യോഗികമായി ക്ഷണിച്ച് ബെഞ്ചമിൻ നെതന്യാഹു. ഫ്ലൈ ദുബായ് വിമാനത്തിലെ ഭീകരാക്രമണ ശ്രമം തകർത്ത ഇന്ത്യൻ പൈലറ്റ് സ്മിത് മച്ചാറിനെയും ദീപം തെളിക്കൽ ചടങ്ങിലേക്ക് ക്ഷണിച്ചിട്ടുണ്ട്. നരേന്ദ്രമോദിയുമായി ഫോണിൽ സംസാരിച്ച ശേഷമാണ് ക്ഷണത്തിന്റെ വിവരം നെതന്യാഹു എക്സിലൂടെ പങ്കുവച്ചത്. ഇന്ത്യയും ഇസ്രയേലും തമ്മിലുള്ള ദശകങ്ങൾ പഴക്കമുള്ള ശക്തമായ ബന്ധത്തെയും സഹകരണത്തെയും പ്രകീർത്തിച്ചു കൊണ്ടാണ് നെതന്യാഹു മോദിക്ക് ക്ഷണക്കത്ത് അയച്ചിരിക്കുന്നത്.

തന്ത്രപ്രധാന പങ്കാളിത്തം ശക്തിപ്പെടുത്താനും ഇരുനേതാക്കളും ധാരണയായി. നെതന്യാഹുവുമായി പശ്ചിമേഷ്യയിലെ സ്ഥിതിഗതികൾ മോദി ചർച്ച ചെയ്തു. മേഖലയിൽ സമാധാനവും സ്ഥിരതയും പുനഃസ്ഥാപിക്കേണ്ടതിന്റെ ആവശ്യകത ഇരുവരും ഫോൺ സംഭാഷണത്തിനിടെ ചൂണ്ടിക്കാട്ടി. ചർച്ചയും നയതന്ത്രവുമാണ് പ്രശ്നങ്ങൾ പരിഹരിക്കാൻ മുന്നിലുള്ള വഴിയെന്ന് മോദി ആവർത്തിച്ചു.

मैंने अपने मित्र, भारत के प्रधानमंत्री नरेंद्र मोदी से बात की और उन्हें इज़राइल के स्वतंत्रता दिवस पर वीर भारतीय पायलट के साथ मशाल प्रज्वलित करने के लिए आमंत्रित किया। मोदी ने निमंत्रण के लिए मुझे धन्यवाद दिया और कहा कि ज़मीन पर और हवा में, भारत और इज़राइल आतंकवाद के ख़िलाफ़ मिलकर लड़ रहे हैं। उन्होंने हमारे बीच के मज़बूत और वर्षों पुराने संबंधों की भी सराहना की। 🇮🇱🇮🇳

— Benjamin Netanyahu - בנימין נתניהו (@netanyahu) October 22, 2026