പണം കടം നൽകിയില്ല; രാത്രി വീട്ടിൽ കയറി ഐഫോൺ  കവർന്ന സംഘം പിടിയിൽ

തിരുവനന്തപുരം: വീട്ടിൽ കയറി ഭീകരാന്തരീക്ഷം സൃഷ്ടിച്ച് ഐഫോൺ കവർന്ന കേസിൽ മൂന്നുപേർ പിടിയിൽ. ലിബിൻ, അക്ഷയ്, ആശിഷ് എന്നിവരെയാണ് പിടികൂടിയത്. തിരുവനന്തപുരം വലിയത്തലയിലാണ് സംഭവം നടന്നത്.

ചൊവ്വാഴ്ച രാത്രിയോടെ ശ്രീഹരി എന്ന വ്യക്തിയുടെ വീട്ടിലാണ് കവർച്ച നടന്നത്. മൂന്നംഗ സംഘം വീട്ടിൽ കയറി ഭീഷണിപ്പെടുത്തിയാണ് ഐഫോൺ കവർന്നത്. എടയ്‌ക്കോടുവച്ചാണ് നരുവാമൂട് പൊലീസ് സംഘത്തെ അറസ്റ്റ് ചെയ്തത്. പണം കടം നൽകാത്തതിലുള്ള വിരോധമാണ് കവർച്ചയ്ക്ക് കാരണമെന്നാണ് വിവരം. ലിബിൻ പോക്‌സോ ഉൾപ്പെടെ അഞ്ചുകേസുകളിൽ പ്രതിയാണ്. ആശിഷ് പത്തോളം കേസുകളിലും പ്രതിയാണ്.