വ്യാഴാഴ്ച റെക്കാഡ് വരുമാനം നേടി കെ.എസ്.ആർ.ടി.സി

തിരുവനന്തപുരം: ഇക്കഴിഞ്ഞ വ്യാഴാഴ്ച ടിക്കറ്റ് വരുമാനത്തിൽ കെ.എസ്.ആർ.ടി.സിക്ക് റെക്കാഡ് നേട്ടം. 10.64 കോടി. കഴിഞ്ഞ വർഷം പൂജാ അവധിക്ക് ശേഷമുള്ള സമാന ദിനത്തിൽ ലഭിച്ചത് 9.41 കോടി. ഇക്കുറി 1.23 കോടിയുടെ വർദ്ധന. വ്യാഴാഴ്ച 30.61 ലക്ഷം യാത്രക്കാരാണ് കെ.എസ്.ആർ.ടി.സി ബസുകളെ ആശ്രയിച്ചത്. 4,612 ബസുകൾ ഉപയോഗിച്ച് 16.02 ലക്ഷം കിലോമീറ്റർ സർവീസ് നടത്തി. ഒരു കിലോമീറ്ററിന് ലഭിച്ച ശരാശരി വരുമാനം കഴിഞ്ഞ വർഷത്തെ 58.80 രൂപയിൽ നിന്ന് 66.44 ആയി ഉയർന്നു. ഒരു ബസിൽ നിന്നുള്ള ശരാശരി വരുമാനം 20,094 രൂപയിൽ നിന്ന് 23,215 രൂപയായി വർദ്ധിച്ചു.