കട്ടിളവെപ്പ് നടത്തി

മണ്ണാർക്കാട്: മണ്ണാർക്കാട് റിലീഫ് സെന്ററിന്റെ (എം.ആർ.സി) ആഭിമുഖ്യത്തിൽ ഒന്നാം മൈൽ പെരിമ്പടാരിയിൽ നിർദ്ധനരായ നാല് കുടുംബങ്ങൾക്ക് നിർമ്മിച്ചു നൽകുന്ന വീടുകളിൽ മൂന്നാമത്തെ വീടിന്റെ കട്ടിളവെപ്പ് എം.ആർ.സി ചെയർമാൻ കെ.മുസ്തഫ ഹാജി നിർവഹിച്ചു. പ്രൊഫ.സലാഹുദ്ദീൻ അദ്ധ്യക്ഷനായി. സുമനസുകളുടെ സഹായത്തോടെയാണ് ഭവന നിർമ്മാണം പുരോഗമിക്കുന്നത്. ആഗസ്റ്റോടെ നാല് വീടുകളുടെയും നിർമ്മാണം പൂർത്തിയാക്കി ഗുണഭോക്താക്കൾക്ക് കൈമാറാനാണ് ലക്ഷ്യമിടുന്നത്. നഗരസഭ കൗൺസിലർ ടി.സുബൈർ, പാറക്കൽ ഹമീദ്, കെ.സി.അബ്ദുൾ റഹ്മാൻ, കെ.പി.അബ്ദുൾ റഹ്മാൻ, അഡ്വ.പി.കെ.മുനീർ, ജബ്ബാർ ഹാജി, ലെഫ്‌റ്റ.പി.ഹംസ എന്നിവർ സംസാരിച്ചു.