സർക്കാർ യു പി സ്‌കൂൾ കെട്ടിടം തകർന്നുവീണു; അവധി ദിവസമായതിനാൽ വൻ അപകടം ഒഴിവായി

തൃശൂർ: സർക്കാർ സ്‌കൂൾ കെട്ടിടം തകർന്നുവീണു. തൃശൂർ കോടശേരി പഞ്ചായത്തിലെ ചായ്‌പൻകുഴി യു പി സ്‌കൂൾ കെട്ടിടമാണ് തകർന്നുവീണത്. അവധി ദിവസമായതിനാൽ വൻ അപകടം ഒഴിവായി. സ്‌കൂൾ കെട്ടിടത്തിന്റെ ഒരു ഭാഗവും ഓപ്പൺ സ്റ്റേജും പൂർണമായും തകർന്നുവീണു.

മലയോര ഹൈവേയുടെ നിർമാണത്തിനായി റോഡ് പൊളിച്ചിട്ട ഭാഗത്തെ മതിലാണ് ആദ്യം ഇടിഞ്ഞുവീണത്. ഇതിന് പിന്നാലെ ക്ലാസുകൾ നടത്തുന്നതിനായി ഉപയോഗിച്ചിരുന്ന കെട്ടിടത്തിന്റെ ഭാഗവും തകർന്നു. ഇന്ന് ശ്രീകൃഷ്‌ണ ജയന്തിയുടെ അവധിയായതിനാലാണ് വൻ അപകടം ഒഴിവായത്.