സ്വർണം തിരിച്ചുകയറുന്നു

നടപ്പുവർഷം ജനുവരി 28ന് രാജ്യാന്തര വിപണിയിൽ സ്വർണ വില ഔൺസിന് 5,589 ഡോളറിലെത്തി റെക്കാഡിട്ടിരുന്നു. അഞ്ച് മാസത്തിനിടെ ഔൺസിന് 1,600 ഡോളറിന്റെ ഇടിവാണ് സ്വർണ വിലയിലുണ്ടായത്. ആഗോള വിപണിയുടെ ചുവടുപിടിച്ച് കേരളത്തിലും സ്വർണ വില മൂക്കുകുത്തി. കഴിഞ്ഞ വാരം ഒരവസരത്തിൽ പവൻ വില 1,02,760 രൂപ വരെയെത്തിയിരുന്നു. എന്നാൽ ഇന്നലെ പവൻ വില 1,000 രൂപ വർദ്ധിച്ച് 1,04,680 രൂപയിലെത്തി. ഗ്രാമിന്റെ വില 125 രൂപ ഉയർന്ന് 13,085 രൂപയിലെത്തി. പശ്ചിമേഷ്യൻ യുദ്ധം കണക്കിലെടുത്ത് കേന്ദ്ര സർക്കാർ കഴിഞ്ഞ മാസം സ്വർണത്തിന്റെ ഇറക്കുമതി തീരുവ ആറ് ശതമാനത്തിൽ നിന്ന് 15 ശതമാനത്തിലേക്ക് ഉയർത്തിയിരുന്നില്ലെങ്കിൽ നിലവിൽ പവൻ വില ഒരു ലക്ഷത്തിന് താഴെയെത്തുമായിരുന്നു. ജനുവരി 29ന് 1,31,160 രൂപയെന്ന റെക്കാഡ് ഉയരത്തിലായിരുന്നു.