സൗദി യാത്രക്കാർക്ക് തിരിച്ചടി; ഒക്‌ടോബർ 20വരെ വിമാന സർവീസുകൾ റദ്ദാക്കി എയർ ഇന്ത്യ

ന്യൂഡൽഹി: സൗദി അറേബ്യയിലേക്ക് ഹൂതികൾ തുടർച്ചയായി ആക്രമണം നടത്തുന്ന പശ്ചാത്തലത്തിൽ റിയാദ്, ദമ്മാം, ജിദ്ദ എന്നിവിടങ്ങളിലേക്കും തിരിച്ചുമുള്ള വിമാനസർവീസുകൾ ഒക്‌ടോബർ 20 വരെ റദ്ദാക്കിയതായി എയർ ഇന്ത്യ അറിയിച്ചു. സ്ഥിതിഗതികൾ നിരന്തരം നിരീക്ഷിച്ചുവരികയാണെന്നും വിമാന സർ‌വീസുകൾ സുരക്ഷിതമായി പുനഃരാരംഭിക്കാനുള്ള സാദ്ധ്യതകൾ വിലയിരുത്തുകയാണെന്നും കമ്പനി വ്യക്തമാക്കി.

സർവീസുകൾ റദ്ദാക്കിയതിനെ തുടർന്ന് യാത്ര മുടങ്ങിയവർക്ക് ടിക്കറ്റ് തുക പൂർണമായി തിരികെ നൽകും. യാത്രക്കാരുടെയും ജീവനക്കാരുടെയും സുരക്ഷയ്‌ക്കാണ് മുൻഗണനയെന്നും എയർ ഇന്ത്യ പ്രസ്‌താവനയിൽ അറിയിച്ചു. റിയാദ് അന്താരാഷ്‌ട്ര വിമാനത്താവളത്തിൽ സ്‌ഫോടനങ്ങൾ റിപ്പോർട്ട് ചെയ്‌തതിനെ തുടർന്ന് കഴിഞ്ഞയാഴ്‌ചയും വിമാനസർവീസുകൾക്ക് നിയന്ത്രണങ്ങൾ ഏർപ്പെടുത്തിയിരുന്നു. എയർ ഇന്ത്യയ്‌ക്കുപുറമെ ആകാശ എയർ, ഇൻഡിഗോ എന്നീ കമ്പനികളും റിയാദിലേക്കുള്ള സ‌ർവീസുകൾ റദ്ദാക്കുകയോ കുറയ്‌ക്കുകയോ ചെയ്‌തിരുന്നു.

ടിക്കറ്റ് തുക തിരികെ ലഭിക്കാൻ എന്തുചെയ്യണം?