നിവേദനം നൽകി

തിരുവനന്തപുരം: കേരളത്തിൽ വിദേശ ഭാഷാ പഠനത്തിനും ഗവേഷണത്തിനുമായി പ്രത്യേക ഫോറിൻ ലാംഗ്വേജ് യൂണിവേഴ്സിറ്റി സ്ഥാപിക്കണമെന്നാവശ്യപ്പെട്ട് സുന്നി മഹല്ല് ഫെഡറേഷൻ(എസ്.എം.എഫ്) സംസ്ഥാന നേതാക്കൾ മുഖ്യമന്ത്രിക്ക് നിവേദനം നൽകി.അറബിക്,ഫ്രഞ്ച്,ജർമ്മൻ, സ്പാനിഷ്, ചൈനീസ്, ജാപ്പനീസ്, റഷ്യൻ തുടങ്ങിയ ഭാഷകളിൽ ഉയർന്ന നിലവാരത്തിലുള്ള പഠന-ഗവേഷണ സൗകര്യങ്ങൾ ഉറപ്പാക്കേണ്ടതിന്റെ ആവശ്യകത ചൂണ്ടിക്കാട്ടി.

എസ്.എം.എഫ് സംസ്ഥാന ജനറൽ സെക്രട്ടറി യു.മുഹമ്മദ് ഷാഫി ഹാജി,സ്റ്റേറ്റ് ഓർഗനൈസിങ് സെക്രട്ടറി നാസർ ഫൈസി കൂടത്തായി,ഫാമിലി പ്ലസ് സ്റ്റേറ്റ് ചെയർമാൻ അബുബക്കർ ഫൈസി മലയമ്മ,സ്റ്റേറ്റ് കൺവീനർ സലീം എടക്കര,സ്റ്റേറ്റ് സി.ഇ.ഒ ബഷീർ കല്ലേപ്പാടം,തിരുവനന്തപുരം ജില്ലാ പ്രസിഡന്റ് പ്രൊഫ. തോന്നക്കൽ ജമാൽ, ജനറൽ സെക്രട്ടറി മാഹാണി ജസീം,സ്മാർട്ട് ടീം ജില്ലാ ഡയറക്ടർ ഷാൻ കാട്ടുമുറാക്കൽ എന്നിവർ ഒപ്പമുണ്ടായിരുന്നു.