കെ.എം. ചന്ദ്രശേഖർ ആസൂത്രണബോർഡ് ഉപാദ്ധ്യക്ഷൻ

തിരുവനന്തപുരം: സംസ്ഥാന ആസൂത്രണബോർഡ് പുനഃസംഘടിപ്പിച്ചു. മുൻ കേന്ദ്ര ക്യാബിനറ്റ് സെക്രട്ടറി കെ.എം. ചന്ദ്രശേഖറാണ് ഉപാദ്ധ്യക്ഷൻ. മുഖ്യമന്ത്രി അദ്ധ്യക്ഷനായ ബോർഡിൽ മന്ത്രിമാരായ പി.കെ. കുഞ്ഞാലിക്കുട്ടി, സണ്ണി ജോസഫ്, മോൻസ് ജോസഫ്, ഷിബു ബേബി ജോൺ, സി.പി.ജോൺ എന്നിവരാണ് അംഗങ്ങൾ.

കൂടുതൽ വിദഗ്‌ദ്ധരെ ഉൾപ്പെടുത്തി ബോർഡ് പിന്നീട് വിപുലീകരിക്കും. 1970 ബാച്ച് കേരള കേഡർ ഉദ്യോഗസ്ഥനായിരുന്നു കെ.എം. ചന്ദ്രശേഖർ. 2011ൽ വിരമിച്ചു. 2011 മുതൽ അഞ്ചു വർഷം സംസ്ഥാന ആസൂത്രണ ബോർഡിന്റെ വൈസ് ചെയർമാനായിരുന്നു. കേന്ദ്ര റവന്യു സെക്രട്ടറിയായും സംസ്ഥാന ധനകാര്യ സെക്രട്ടറിയായും സേവനമനുഷ്ഠിച്ചിട്ടുണ്ട്. സ്‌പൈസസ് ബോർഡിന്റെ സ്ഥാപക ചെയർമാനും ട്രേഡ് പോളിസിവിഭാഗം ജോയിന്റ് സെക്രട്ടറിയുമായിരുന്നു. സംസ്ഥാനത്തിന്റെ സാമ്പത്തിക സ്ഥിതി സംബന്ധിച്ച് യു.ഡി.എഫ് സർക്കാരിനായി ധവളപത്രം തയ്യാറാക്കിയ സമിതിയുടെ അദ്ധ്യക്ഷനും ചന്ദ്രശേഖറായിരുന്നു.