ആലപ്പുഴ മുന്നിൽ

ചേർത്തല: ചേർത്തല സെന്റ് മൈക്കിൾസ് കേളേജിൽ നടക്കുന്ന ജില്ലാ സ്‌കൂൾ കായികമേളയുടെ രണ്ടാംദിന മത്സരങ്ങൾ അവസാനി​ച്ചപ്പോൾ ആലപ്പുഴ ഉപജില്ല മുന്നിൽ. 51 ഇനങ്ങൾ പൂർത്തിയായപ്പോൾ 29 സ്വർണവും 15 വെളളിയും 14 വെങ്കലവുമടക്കം 234 പോയിന്റുമായി​ എതിരാളികളെ ബഹുദൂരം പിന്നിലാക്കിയാണ് ആലപ്പുഴയുടെ കുതിപ്പ്. ഒൻപത് സ്വർണവും 19 വെളളിയും 13 വെങ്കലവുമായി 130 പോയിന്റോടെ ആതിഥേയരായ ചേർത്തലയാണ് രണ്ടാം സ്ഥാനത്ത്. നാലു സ്വർണവും എട്ടുവെള്ളിയും എട്ടു വെങ്കലവുമടക്കം 54 പോയിന്റോടെ മാവേലിക്കര മൂന്നാം സ്ഥാനത്തും അഞ്ചുവീതം സ്വർണവും വെള്ളി​യും വെങ്കലവുമായി 49 പോയിന്റോടെ തുറവൂർ നാലാമതും ഉണ്ട്. അമ്പലപ്പുഴ രണ്ടും ചെങ്ങന്നൂരും ഹരിപ്പാടും ഓരോ സ്വർണവും നേടി പോയിന്റുപട്ടികയിൽ ഇടംപിടിച്ചു.
മേള ഇന്ന് സമാപിക്കും. വൈകിട്ട് സമാപനസമ്മേളനത്തിൽ എ.ഡി. തോമസ് എം.എൽ.എ സമ്മാനദാനം നിർവഹിക്കും.