പേവിഷ പ്രതിരോധ കുത്തിവയ്പ്പ് ഇന്ന്

വള്ളികുന്നം: മൃഗസംരക്ഷണ വകുപ്പും വള്ളികുന്നം ഗ്രാമപഞ്ചായത്തും സംയുക്തമായി പേവിഷ പ്രതിരോധ കുത്തിവയ്പ്പ് പദ്ധതി പഞ്ചായത്ത് പ്രസിഡന്റ് സി. അനിത ഉദ്ഘാടനം ചെയ്തു. സ്റ്രാന്റിംഗ് കമ്മിറ്റി ചെയർപെഴ്സൺ കെ. മൻസൂർ അദ്ധ്യക്ഷത വഹിച്ചു.ഡോ. അഞ്ജലി.എസ്,​ ബ്ളോക്ക് പഞ്ചായത്തംഗം സീന യൂസുഫ്,
ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ സുഹൈർ വള്ളികുന്നം, പഞ്ചായത്തംഗങ്ങളായ തൃദീപ് കുമാർ,സോണിയ,അനുശ്രീ,ഉഷ ചന്ദ്രൻ തുടങ്ങിയവർ സംബന്ധിച്ചു. ഇന്ന് മീനത്ത് സബ് സെന്ററിൽ രാവിലെ 10 മുതൽ ഉച്ചയ്ക്ക് 12.30വരെ കുത്തിവയ്പ്പ് നടക്കും. 55 രൂപയാണ് ഫീസ്.