അപേക്ഷ ക്ഷണിച്ചു

ഇടുക്കി: മുഴുവൻസമയ പ്രൊഫഷണൽ/ടെക്നിക്കൽ കോഴ്സുകൾക്ക് പഠിക്കുന്ന ജില്ലയിലെ വിമുക്തഭടന്മാരുടെ ആശ്രിതരായ മക്കൾ, ഭാര്യ എന്നിവർക്ക് വ്യവസ്ഥകൾക്ക് വിധേയമായി അമാൽഗമേറ്റഡ് ഫണ്ട് സ്‌കോളർഷിപ്പ് അനുവദിക്കുന്നു. സർവീസ് പ്ലസ് (https://serviceonline.gov.in/kerala) പ്ലാറ്റ്‌ഫോം വഴി നവംബർ 25 നകം ഓൺലൈൻ ആയി അപേക്ഷിക്കണം. അപേക്ഷ സമർപ്പിച്ച ശേഷം അപേക്ഷയുടെ പ്രിന്റ് ഔട്ട്, അപ്ലോഡ് ചെയ്തിട്ടുള്ള അനുബന്ധ രേഖകൾ എന്നിവ നവംബർ 28ന് മുൻപായി ജില്ലാ സൈനികക്ഷേമ ഓഫീസിൽ എത്തിക്കണം. മുൻപ് രണ്ട് തവണ ഈ സ്‌കോളർഷിപ്പ് ലഭിച്ചവരും മറ്റ് ഫീസ് ഇളവോ സ്‌കോളർഷിപ്പോ ലഭിക്കുന്നവരും അർഹരല്ല. കൂടുതൽ വിവരങ്ങൾക്ക് ജില്ലാ സൈനികക്ഷേമ ഓഫീസുമായി ബന്ധപ്പെടുക. ഫോൺ: 04862222904.