പി.എച്ച്.പിയിൽ സുരക്ഷാ പിഴവ്: വെബ്സൈറ്റുകളെ രക്ഷിക്കാൻ നെട്ടോട്ടം

വാഷിംഗ്ടൺ: ഇന്റർനെ​റ്റിന്റെ വലിയൊരു ഭാഗത്തിനും അടിത്തറയായി പ്രവർത്തിക്കുന്ന പി.എച്ച്.പി പ്രോഗ്രാമിംഗ് ഭാഷയിൽ ഗുരുതര സുരക്ഷാ പിഴവുകൾ കണ്ടെത്തിയത് ലോകത്തെ ആശങ്കയിലാഴ്ത്തി. മെമ്മറി മാനേജ്‌മെന്റ് സിസ്​റ്റത്തിലെ രണ്ട് സുരക്ഷാ പിഴവുകൾ കഴിഞ്ഞ ദിവസം പരസ്യമായതോടെ ലോകമെമ്പാടുമുണ്ടായത് ദശലക്ഷക്കണക്കിന് ഹാക്കിംഗ് ശ്രമങ്ങളാണ്.

ഹാക്കിംഗ് ഒഴിവാക്കാനും സുരക്ഷാ പിഴവുകൾ അടിയന്തിരമായി പരിഹരിക്കാനുമുള്ള നെട്ടോട്ടത്തിലാണ് ലോകത്തിന്റെ വിവിധ ഭാഗങ്ങളിലുള്ള കമ്പനികളും സർക്കാരുകളും. തകരാർ പരിഹരിക്കുന്നത് വരെ അപകടം ഒഴിവാക്കാൻ വെബ്‌സൈ​റ്റുകളുടെ പ്രവർത്തനം താത്കാലികമായി നിറുത്തിവച്ചു ഇന്റർനെ​റ്റിലെ എഴുപത് ശതമാനത്തോളം വെബ്‌സൈ​റ്റുകളും പ്രവർത്തിക്കുന്നത് പി.എച്ച്.പിയിലാണ്. ലോഗിൻ ചെയ്യാതെയും യാതൊരു അനുവാദവുമില്ലാതെയും വെബ്‌സൈ​റ്റുകളിലേക്ക് അപകടകരമായ വൈറസ് കോഡുകൾ കടത്തിവിടാനും വെബ്‌സൈ​റ്റിന്റെ പൂർണ നിയന്ത്റണം കൈക്കലാക്കാനും ഹാക്കർമാരെ അനുവദിക്കുന്നതാണ് ഈ സുരക്ഷാ പിഴവുകൾ. പിഴവ് പുറത്തായതോടെ സൈ​റ്റുകൾ ആക്രമിക്കാൻ ഹാക്കർമാർ കൂട്ടത്തോടെ ശ്രമം തുടങ്ങി. പി.എച്ച്.പി സെക്യൂരി​റ്റി ടീം ബുധനാഴ്ച വിവരം പുറത്തുവിടുന്നതിന് മുന്നേ തന്നെ ആയിരക്കണക്കിന് ഹാക്കിംഗ് ശ്രമങ്ങൾ നടന്നെന്നാണ് റിപ്പോർട്ട്. എച്ച്.ടി.എം.എൽ, പൈത്തൺ എന്നിവയെപ്പോലെ കമ്പ്യൂട്ടിംഗിലെ നിർണായക ഭാഷയാണ് പി.എച്ച്.പി.

# വേണം പുതിയ പതിപ്പ്

 വർഷങ്ങളായി പി.എച്ച്.പിയിൽ ഒളിച്ചിരുന്ന സുരക്ഷാ പിഴവുകൾ കണ്ടെത്തിയത് എ.ഐ സാങ്കേതികവിദ്യ ഉപയോഗിച്ച്

 പി.എച്ച്.പിയുടെ ഏ​റ്റവും പുതിയ പതിപ്പുകളിലേക്ക് (പി.എച്ച്.പി 8.5.12, 8.4.27, 8.3.36, 8.2.35 ) ഉടൻ തന്നെ അപ്‌ഡേ​റ്റ് ചെയ്യുകയാണ് പരിഹാരം. പഴയ പതിപ്പാണെങ്കിൽ വെബ്‌സൈ​റ്റുകളുടെ പ്രവർത്തനം താത്കാലികമായി നിറുത്തുന്നതാണ് സുരക്ഷിതം