മുഖം അതിമനോഹരമാകും; പത്ത് രൂപയുണ്ടെങ്കിൽ പാർലറിലേത് പോലുള്ള ഫേഷ്യൽ വീട്ടിൽ ചെയ്യാം

മുഖസൗന്ദര്യം നിലനിർത്താൻ കൃത്യമായ ചർമസംരക്ഷണം അനിവാര്യമാണ്. എന്നാൽ, വെയിൽ നേരിട്ട് കൊള്ളുന്നതും മറ്റും കാരണം പല പ്രശ്‌നങ്ങളും ചർമത്തിലുണ്ടാകാം. ഇത് മാറാനായി വളരെ പെട്ടെന്ന് തന്നെ ചെയ്യാൻ സാധിക്കുന്ന ഒരു മാർഗമുണ്ട്. വീട്ടിൽ തന്നെ ചെയ്യാവുന്ന ഈ ഫേഷ്യൽ പരീക്ഷിച്ച് നോക്കിയാൽ വെറും മിനിട്ടുകൾ കൊണ്ടുതന്നെ മുഖത്തെ കരിവാളിപ്പും മറ്റ് പ്രശ്‌നങ്ങളും മാറി സുന്ദരമാകും. ഈ ഫേഷ്യൽ എങ്ങനെ ചെയ്യാമെന്ന് നോക്കാം.

സ്റ്റെപ്പ് 1 - മുഖം ഫേസ്‌വാഷ് ഉപയോഗിച്ച് കഴുകി വൃത്തിയാക്കി തുടയ്‌ക്കുക. ശേഷം പാലും കാപ്പിപ്പൊടിയും യോജിപ്പിച്ച് മുഖത്ത് പുരട്ടി പത്ത് മിനിട്ട് മസാജ് ചെയ്‌ത് കഴുകി കളയണം.

സ്റ്റെപ്പ് 2 - അൽപ്പം കാപ്പിപ്പൊടിയും പഞ്ചസാരയും പാലിൽ യോജിപ്പിച്ച് മുഖത്ത് സ്‌ക്രബ് ചെയ്യുക. പത്ത് മിനിട്ട് നന്നായി സ്‌ക്രബ് ചെയ്‌ത ശേഷം കഴുകി കളയാവുന്നതാണ്. ഇപ്പോൾ തന്നെ മുഖം മൃദുവാകുന്നത് കാണാം.

സ്റ്റെപ്പ് 3 - കാപ്പിപ്പൊടി, കടലമാവ് / അരിപ്പൊടി അല്ലെങ്കിൽ ബീറ്റ്‌റൂട്ട് പൊടി എന്നിവ തൈര് ചേർത്ത് യോജിപ്പിച്ച് മുഖത്ത് പുരട്ടണം. 15 - 20 മിനിട്ട് വച്ചശേഷം കഴുകി കളയാവുന്നതാണ്. പാലും തൈരും അലർജി ഉള്ളവർ റോസ്‌വാട്ടർ അല്ലെങ്കിൽ വെള്ളം ഉപയോഗിച്ചാൽ മതി.