അത്താഘോഷ മത്സരങ്ങൾക്ക് ഇന്ന് തുടക്കം

തൃപ്പൂണിത്തുറ: അത്താഘോഷം 26ന്റെ ഭാഗമായി സംഘടിപ്പിക്കുന്ന കലാസാഹിത്യ മത്സരങ്ങൾക്ക് ഇന്ന് തുടക്കമാകും. രാവിലെ 9ന് തൃപ്പൂണിത്തുറ ലായം കൂത്തമ്പലത്തിൽ നടക്കുന്ന ചടങ്ങിൽ കർണാടക സംഗീതജ്ഞനും സംഗീതസംവിധായകനുമായ ശ്രീവത്സൻ ജെ മേനോൻ ഉദ്ഘാടനം ചെയ്യും. ചടങ്ങിൽ നഗരസഭ ചെയർപേഴ്സൺ അഡ്വ.പി.എൽ. ബാബു അദ്ധ്യക്ഷത വഹിക്കും. തുടർന്ന് കലാസാഹിത്യ മത്സരങ്ങൾ ആരംഭിക്കും. ഓഗസ്റ്റ് 9 വരെ നഗരസഭ ലായം കൂത്തമ്പലം, മുനിസിപ്പൽ കൗൺസിൽ ഹാൾ, ബോയ്സ് സ്കൂൾ ഓഡിറ്റോറിയം, ഗവ. സംസ്കൃത കോളേജ് ഓഡിറ്റോറിയം എന്നിവിടങ്ങളിലായിരിക്കും മത്സരങ്ങൾ നടക്കുക.