കാടിറങ്ങി വന്ന തങ്കത്തിളക്കം, പോൾ വാട്ടിൽ സിബി ചക്രവർത്തി

കൊടുമൺ : പാലക്കാട് പറമ്പികുളത്ത് വനംവകുപ്പിന്റെ റിസർവ് പ്രദേശത്ത് നിന്ന് ഇരവിപേരൂർ സെന്റ് ജോൺസ് സ്കൂളിൽ പഠിക്കാൻ എത്തിയ സിബി ചക്രവർത്തിക്ക് സീനിയർ വിഭാഗം ആൺകുട്ടികളുടെ പോൾ വാട്ടിൽ സ്വർണമെഡൽ. സ്കൂളിലെ മുൻ വിദ്യാർത്ഥിയും പോൾവാട്ട് താരവുമായ അൽഫിനാണ് സിബിയെ പരിശീലിപ്പിച്ചത്. 2.50 മീറ്റർ ഉയരം താണ്ടാനായി. പറമ്പിക്കുളം കടവൂർ ഉന്നതിയിൽ പി.സുകുമാരന്റെയും സി ശാരദയുടെയും മകനാണ്. പിതാവ് പി.സുകുമാരൻ കരകൗശല ജോലി ചെയ്യുന്ന ആളാണ്. സിജു.എസ് സഹോദരനും.