വന്ദേമാതരം: കേന്ദ്രത്തിന് സുപ്രീംകോടതി നോട്ടീസ്

ന്യൂഡൽഹി: വന്ദേമാതരത്തിലെ ആറുചരണങ്ങളും ആലപിക്കണമെന്ന നിർദ്ദേശത്തിനെതിരെ സമർപ്പിച്ച ഹർജികളിൽ കേന്ദ്രസർക്കാരിന് സുപ്രീംകോടതിയുടെ നോട്ടീസ്. മുൻ എൻട്രൻസ് കമ്മിഷണർ ബി.എസ്. മാവോജി,​ ആക്‌ടിവിസ്റ്റ് ബി.ഡി. ബോർക്കർ തുടങ്ങിയവർ നൽകിയ ഹർജികളിലാണിത്. കഴിഞ്ഞ ജനുവരി 28നും ​ജൂലായ് 9നും കേന്ദ്രം പുറത്തിറക്കിയ ഉത്തരവുകളെയാണ് ഹർജിക്കാർ ചോദ്യംചെയ്യുന്നത്. മുഴുവൻ ചരണങ്ങളും പാടാൻ നിർബന്ധിക്കുന്നത് മതേതരത്വത്തെയും സാഹോദര്യത്തെയും ബാധിക്കുമെന്ന് ഹർജിയിൽ പറയുന്നു.