പ്രവാസികളുടെ ശ്രദ്ധയ്ക്ക്; കൊച്ചിയിൽ  നിന്ന്  സൗദി  അറേബ്യയിലേക്ക് പോകുന്ന നിരവധി വിമാനങ്ങൾ റദ്ദാക്കി

കൊച്ചി: ഗൾഫ് മേഖലയിലെ സംഘർഷ സാഹചര്യത്തിൽ കൊച്ചിയിൽ നിന്ന് സൗദി അറേബ്യ ഉൾപ്പെടെയുള്ള രാജ്യങ്ങളിലേക്കും തിരിച്ചുമുള്ള 10 വിമാന സർവീസുകൾ റദ്ദാക്കി. ഒക്ടോബർ 11,12,13 തീയതികളിലുള്ള സർവീസുകളാണ് റദ്ദാക്കിയതെന്ന് സിയാൽ അധികൃതർ അറിയിച്ചു. ദോഹ, റാസൽഖൈമ എന്നിവിടങ്ങളിലേക്കുള്ള സർവീസുകളും ഇതിൽ ഉൾപ്പെടുന്നു.

ഫ്ലൈനാസ്: എക്‌സ്‌വൈ 399/400 കൊച്ചി - റിയാദ് - കൊച്ചി, എയർ ഇന്ത്യ എക്‌സ്‌പ്രസ്: ഐഎക്‌സ് 476 - ദോഹ - കൊച്ചി, എയർ ഇന്ത്യ എക്‌‌സ്‌പ്ര‌സ്:ഐഎക്സ് 475 - കൊച്ചി - ദോഹ, ആകാശ എയർ: ക്യുപി 523 - കൊച്ചി - റിയാദ്, ആകാശ എയർ: ക്യുപി 550 - കൊച്ചി - ജിദ്ദ, ഇൻഡിഗോ: 6ഇ 1517- കൊച്ചി - റാസൽ ഖൈമ (രാത്രി 9.30ന് ) എന്നീ വിമാനങ്ങളാണ് ഓക്ടോബർ 11ന് റദ്ദാക്കിയത്.

ഒക്ടോബർ 13ന് ആകാശ എയർ: ക്യുപി 551 - ജിദ്ദ - കൊച്ചി, ആകാശ എയർ: ക്യുപി 524 റിയാദ് - കൊച്ചി. ആകാശ എയർ: ക്യുപി 523 - കൊച്ചി - റിയാദ് എന്നീ വിമാനങ്ങൾ റദ്ദാക്കി. ഒക്‌ടോബർ 13ന് ആകാശ എയർ ക്യുപി 524 - റിയാദ് - കൊച്ചി വിമാനവും റദ്ദാക്കി. യാത്രക്കാർ വിമാ‌നത്താവളത്തിലേക്ക് പുറപ്പെടുന്നതിന് മുൻപ് അതത് വിമാനക്കമ്പനികളുമായി ബന്ധപ്പെട്ട് തങ്ങളുടെ യാത്രയുടെ സ്ഥിതി ഉറപ്പുവരുത്തണമെന്ന് സിയാൽ അധികൃതർ അറിയിച്ചു.