അഞ്ചുതെങ്ങ് സെന്റ് പീറ്റേഴ്സ് ഫെറോനാ ദേവാലയത്തിൽ കൊടിയേറി

കടയ്ക്കാവൂർ: അഞ്ചുതെങ്ങ് സെന്റ് പീറ്റേഴ്സ് ദേവാലയത്തിൽ വിശുദ്ധ പത്രോസ് അപ്പോസ്തലന്റെ തിരുനാൾ ആഘോഷങ്ങൾക്ക് തുടക്കമായി. ഇടവക വികാരി ഫാ.സന്തോഷ് കുമാർ കൊടിയേറ്റി.ഡോ. ഗ്ലാഡിൻ അലക്സ് ദിവ്യബലിക്ക് മുഖ്യകാർമ്മികത്വം വഹിച്ചു. ഡോ.വൈ.ഡൈസൺ വചനപ്രഘോഷണം നടത്തി. 28 വരെ എല്ലാദിവസവും വൈകിട്ട് 5ന് ജപമാല,ലിറ്റിനി,നൊവേന,​സമൂഹ ദിവ്യബലി,​ വചനപ്രഘാഷേണം എന്നിവ ഉണ്ടായിരിക്കും.28ന് വൈകിട്ട് സന്ധ്യാവന്ദന പ്രാർത്ഥനയ്ക്ക് ഡോ. ഹൈസന്ത് നായകവും,​വചനപ്രഘോഷണത്തിന് ഫാ.ജോൺ ബോസ്ക്കോയും മുഖ്യകാർമ്മികത്വം വഹിക്കും.29ന് പുലർച്ചെ 5.30ന് ഫാ.മരിയ ഡിക്ടറിന്റെ കാർമ്മികത്വത്തിൽ പ്രഭാത ദിവ്യബലിയും ഫാ.ടിനു ആൽബിൻ സേവ്യറുടെ വചനപ്രഘോഷണവും ഉണ്ടായിരിക്കും.രാവിലെ 9ന് അതിരൂപത സഹായമെത്രാൻ ഡോ.ക്രിസ്തുദാസ്.ആറിന്റെ നേതൃത്വത്തിൽ പൊന്തിഫിക്കൽ സമൂഹ ദിവ്യബലിയും ഉണ്ടായിരിക്കും.തുടർന്ന് കൊടിയിറക്ക്.