ഗതാഗത നയം രൂപീകരിക്കും: മന്ത്രി സി.പി.ജോൺ

തൃശൂർ: സംസ്ഥാനത്ത് ഗതാഗത നയം രൂപീകരിക്കുമെന്ന് മന്ത്രി സി.പി.ജോൺ. റോഡ് സുരക്ഷയ്ക്കായി ഗതാഗത സാക്ഷരതാ യജ്ഞം ആരംഭിക്കും. പിഴകളും ശിക്ഷാനടപടികളും കൊണ്ടുമാത്രം റോഡിലെ പ്രശ്‌നങ്ങൾ പരിഹരിക്കാനാവില്ല. മര്യാദകൾ പാലിച്ച് റോഡുകൾ ഉപയോഗിക്കുകയാണ് പ്രധാനം. ഗതാഗത സാക്ഷരതാ യജ്ഞത്തിന് അനുയോജ്യമായ പേര് നിർദ്ദേശിക്കാൻ മന്ത്രി അഭ്യർത്ഥിച്ചു. പ്ലസ് ടു പരീക്ഷ കഴിയുമ്പോൾ ലൈസൻസ് ലഭ്യമാകുന്ന രീതിയിൽ പാഠ്യപദ്ധതിയിൽ പ്രീലൈസൻസ് ഉൾപ്പെടുത്താൻ വിദ്യാഭ്യാസ വകുപ്പിന് കത്തയച്ചു. 10, 11, 12 ക്ലാസുകളിലെ വിദ്യാർത്ഥികൾക്ക് വാഹനങ്ങളെക്കുറിച്ച് മനസ്സിലാക്കാൻ കണ്ടംചെയ്തവ സ്കൂളിലെത്തിക്കും.