കോഴിയിറച്ചി വില കൂട്ടി കെപ്കോ

തിരുവനന്തപുരം : പൊതുവിപണിയിൽ കോഴിയിറച്ചി വില ക്രമാതീതമായി വർദ്ധിക്കുന്നതിനിടെ സംസ്ഥാന പൗൾട്രി വികസന കോർപറേഷനും (കെപ്കോ) ഇറച്ചി വില കൂട്ടി. ഇറച്ചിയുടെ വിവിധ ഇനങ്ങൾക്ക് കിലോയ്ക്ക് 8 മുതൽ 31 രൂപ വരെയാണ് വർദ്ധിച്ചത്. ഫ്രഷ്ചിക്കൻ കിലോയ്ക്ക് 19 രൂപ വർദ്ധിപ്പിച്ചു. സ്പെഷ്യൽ കറി കട്ടിന് 22 രൂപയും ബോൺലെസ് ഇറച്ചിക്ക് (എല്ലില്ലാത്തത്) കിലോയ്ക്ക് 29 രൂപയും കോഴിയുടെ തുടയിറച്ചിക്ക് 24 രൂപയും കൂട്ടി. കറി കട്ട് - 259, ബോൺലെസ് ചിക്കൻ -479 എന്നിങ്ങനെയാണ് നിലവിലെ വില. വർദ്ധന ഞായർ മുതൽ നടപ്പിൽ വന്നു.