വയോജന വകുപ്പിൽ ആയുർവേദത്തിന്  പ്രാധാന്യം നൽകണം: എ.എം.എ.ഐ 

അങ്കമാലി: പുതുതായി ആരംഭിക്കുന്ന സംസ്ഥാന വയോജന വകുപ്പിൽ ആയുർവേദത്തിന് പ്രാധാന്യം നൽകണമെന്ന് ആയുർവേദ മെഡിക്കൽ അസോസിയേഷൻ ഒഫ് ഇന്ത്യ ( എ.എം.എ.ഐ ) സംസ്ഥാന കമ്മിറ്റി യോഗം ആവശ്യപ്പെട്ടു. ബഡ്ജറ്റിൽ ആയുർവേദത്തിന് കൂടുതൽ വിഹിതം വകയിരുത്തണം. രാജ്യത്തിന്റെ തനതു വൈദ്യശാസ്ത്രമായ ആയുർവേദത്തെ അവഹേളിക്കുന്നവർക്കെതിരെ നടപടി സ്വീകരിക്കണം.
എ .എം.എ. ഐ ആസ്ഥാന മന്ദിരത്തിൽ നടന്ന പരിപാടിയിൽ സംസ്ഥാന പ്രസിഡന്റ് ഡോ. കെ.എസ്. വിഷ്ണു നമ്പൂതിരി അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി ഡോ. പി. കെ. ഹരിദാസ് , സംസ്ഥാന ട്രഷറർ ഡോ. ഷബീൽ ഇബ്രാഹിം, ഡോ. റോഷ്‌ന സരേഷ്, ഡോ. സീനിയ അനുരാഗ്, ഡോ. പി.വി. അരുൺ, ഡോ. വരുൺ നടരാജൻ, ഡോ. ഇട്ടൂപ്പ് ജെ അഞ്ചേരിൽ, ഡോ. ഷെറീസി എന്നിവർ പ്രസംഗിച്ചു.